Գովազդ
 

Ամենաընթերցվածները

 

Արխիվ

< Օգոստոս 2015 >
Եր Եր Չր Հն Ու Շա Կի
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 29 30
31            
 

Իրավունքը Facebook-ում

Joomla Templates and Joomla Extensions by ZooTemplate.Com
 
Իրավունք Թերթ - Սպառողի անկյուն
Ուրբաթ, 28 Օգոստոս 2015 00:00

ՏՄՊՊՀ-Ն ԱՅԴՊԵՍ ԷԼ «ՉԻ ՏԵՍՆՈՒՄ» ԿԱԹՆԱՄԹԵՐՔԻ ԳՆԵՐԻ ԽԱՅՏԱՌԱԿ ՎԻՃԱԿԸ

 

Դեռ այս տարվա առաջին ամիսներից նկատելիորեն էժանացան Հայաստան ներկրվող կաթի փոշու գները: Բացատրությունը, թե պատճառը աշխարհում կաթի գնանկումն էր, հիմնավոր էր: Ամեն դեպքում, այդ ամենի արդյունքում Հայաստանում նկատելիորեն նվազեց գյուղացիներից կաթի ներկրման գները եւս:

 

 

Մի խոսքով՝ գնանկման հաշվին գյուղացիությունը կրեց նկատելի վնաս: Տրամաբանորեն նման իրավիճակներում օգտվում են գյուղմթերքի գնորդները՝ շարքային սպառողը: Բայց չէ, անգամ պաշտոնական վիճակագրությունն է ֆիքսում, որ եթե մի շարք գյուղմթերքների գծով այս տարի կա նկատելի գնանկում, անգամ ներկրված կաթի փոշու եւ կաթի տեղական մթերումների գներն են աճել, սակայն. «Կաթնամթերքի ապրանքախմբում 2015թ. հուլիսին 2014թ. հուլիսի համեմատ գրանցվել է 3,0% գնաճ»:
Մեղմ ասած՝ «անհասկանալի» վիճակ է՝ հումքն էժանանում է, իսկ կաթնամթերքը՝ թանկանո՞ւմ: Այսինքն՝ կարո՞ղ է որեւէ ողջամիտ մարդ չգալ այն կարծիքին, որ կաթնամթերք արտադրողները մի կողմից իջեցրել են մթերվող կաթի գները եւ գյուղացիության հաշվին հավելյալ եկամուտներ ստացել, մյուս կողմից էլ՝ թանկացրել են իրենց արտադրանքը, այսինքն՝ նաեւ մտել կաթնամթերք սպառողի գրպանը:
Օրերս անուղղակիորեն այս իրավիճակը հաստատեց նաեւ ՀՀ գյուղնախարարությունը՝ տյալներ ներկայացնելով միջազգային բորսաներում եւ աշխարհի որոշ երկրներում կաթի գների վերաբերյալ: Եվ այդ տվյալներով՝ մասնավորապես եվրոպական երկրներում կաթն այս տարի էժանացել է նույնիսկ տասնյակ տոկոսներով:
Ուրեմն ինչո՞ւ միջազգային նման անկումների պայմաններում անգամ, Հայաստանում կաթնամթերքը թանկանում է, մինչդեռ ամեն անգամ, երբ նույն միջազգային շուկաներում աննշան թանկացում է լինում, մեր պատկան պետական այրերը չեն հապաղում ջանք ու եռանդ չխնայելով՝ արդարացնել տեղական շատ ավելի լուրջ թանկացումները: Ընդ որում՝ կաթնամթերքի ոլորտում կան բազմաթիվ մենաշնորհային ապրանքատեսակներ, այսինքն՝ ՀՀ Տնտեսական մրցակցության պաշտպանության պետական հանձնաժողովը ¥ՏՄՊՊՀ¤ դեռ ամիսներ առաջ առնվազն պետք է ուսումնասիրություն սկսեր եւ պարզեր, թե՝ նկատելիորեն էժան կաթի փոշով եւ կաթով արտադրված այդ կաթնամթերքն ինչո՞ւ չեն էժանացրել եւ մի բան էլ՝ թանկացրել են: Եվ վստահեցնում ենք՝ ցանկության դեպքում թալանային լուրջ փաստեր կբացահայտվեին: Բայց ահա, երբ փորձեցին պարզել, թե Գյուղնախարարության հիշատակված հաղորդագրությունից հետո ինչ է մտածում ՏՄՊՊՀ-ն, այդ կառույցի մամուլի խոսնակ Գայանե Սահակյանից, ով զարմանալիորեն փոխանցեց, թե տեղյակ չէ նախարարության տարածած հաղորդագրության մասին: Ստիպված էին տեղեկացնել, եւ անգամ դրանից հետո պատասխանը շատ մեղմ կլիներ տարօրինակ համարել. «Գյուղնախարարության նյութի մեջ Հայաստանի կաթի գների մասին խոսք անգամ չկա, ու քանի որ դա իրենց վերահսկողության դաշտում է, լավ կլինի իրենցից մի հատ ճշտեք Հայաստանում վերջին մի քանի ամիսներին կաթի գնի անկում արձանագրվե՞լ է, թե` ոչ: Հոդվածում խոսվում է ԵՏՄ եւ այլ երկրների մասին, բայց կոնկրետ մեր մասով տվյալներ չկան ներկայացված: Ուստի հանձնաժողովը չունի որեւէ հիմնավորում, որով տնտեսվարողներին կկարողանա պարտադրել, որպեսզի վերանայեն կաթնամթերքի շուկայի գները»:
Ապա հավելեց. «Եթե պաշտոնապես գյուղնախարարությունը ասի, որ մեզ մոտ եւս կաթը էժանացել է եւ` ինչքան, դա այլ բան է: Բայց այս պարագայում ուղղակի անիմաստ կստացվի մեր պատասխանը»:
Կարող ենք ՏՄՊՊՀ-ին նաեւ հիշեցնել, որ Հայաստանում ներմուծված կաթի փոշու գներով պայմանավորված` գյուղացիությունից մթերվող կաթի գների էժանացման մասին ընդամենը երկու-երեք ամիս առաջ ոչ միայն բազմիցս խոսվել է Գյուղնախարարության պաշտոնյաների, այլ պետական մի շարք այլ կառույցների կողմից: Թե քանի քննարկում է եղել այդ մասին, քանի լրատվական հրապարակում, դժվար է ասել: Ընդ որում՝ ժամանակին նույն հարցով նաեւ սույն կառույցին դիմելու առիթ ենք ունեցել: Ու եթե այդքանից հետո էլ ՏՄՊՊՀ-ում կաթի մթերման եւ կաթնամթերքի թանկացման փաստը չեն տեսել...
Չնայած՝ որ տեսնի` ի՞նչ...
Ի դեպ, ՏՄՊՊՀ-ին տեղեկացնենք նաեւ, որ աշխարհում կատաստրոֆիկ չափով էժանացել են նաեւ նավթը եւ նավթամթերքները: Հայաստանում տեւական ժամանակ է, նույն վիճակն է:

ՔԵՐՈԲ ՍԱՐԳՍՅԱՆ
ԻԼՈՆԱ ԱԶԱՐՅԱՆ