Գովազդ
 

Ամենաընթերցվածները

 

Արխիվ

< Փետրվար 2016 >
Եր Եր Չր Հն Ու Շա Կի
1 2 3 4 5 6 7
8 10 11 12 13 14
15 16 17 18 19 20 21
22 23 24 25 26 27 28
29            
 

Իրավունքը Facebook-ում

Joomla Templates and Joomla Extensions by ZooTemplate.Com
 

ԼԱՎԱԳՈՒՅՆ ԵՎ ՎԱՏԱԳՈՒՅՆ

ԷԼԵԿՏՐՈՆԱՅԻՆ ՔՎԵԱՐԿՈՒԹՅՈՒՆՆ ԱՎԱՐՏՎԱԾ Է


Ինչպես արդեն տեղեկացրել էինք, շուրջ մեկ ամիս iravunk.com կայքում տարվա լավագույն եւ վատագույն ֆիլմերի ու փառատոների ընթացող քվեարկությունն ավարտված է:

Այսպիսով` շուրջ 400 ընթերցողների հեռախոսազանգերի ու կայքում ընթացող քվեարկությունների արդյունքում պատկերը հետեւյալն է.


ԼԱՎԱԳՈՒՅՆ ԵՌՅԱԿՆԵՐԸ

ԼԱՎԱԳՈՒՅՆ ՖԻԼՄ անվանակարգում լավագույն եռյակը գլխավորում է կինոռեժիսոր Արամ Շահբազյանն իր «ՓՐԿՈՒԹՅԱՆ ՔԱՐՏԵԶ» խաղարկային-փաստավավերագրական ֆիլմով: Պատմում է այն 5 միսիոներուհիների մասին, որոնք հայերի հետ 100 տարի առաջ ապրել են Հայոց ցեղասպանության դառնությունը:


Երկրորդ տեղում Ելենա Արշակյանի «ԱՆԱՎԱՐՏ ԹՌԻՉՔ» ֆիլմն է, նվիրված 2006 թվականի Երեւան-Սոչի ողբերգական չվերթի 113 զոհերի հիշատակին:

Երրորդ տեղում` կրկին Արամ Շահբազյանն է, սակայն «ՄՈՍԿՎԻՉ, ԻՄ ՍԵՐ» տրագիկոմեդիայով: Ֆիլմը պատմում է Ադրբեջանից Հայաստան գաղթած Համոյի երազանքի` կարմիր սովետական մոսկվիչի մասին:

Իսկ թատերական ոլորտում ընթացող ԼԱՎԱԳՈՒՅՆ ՓԱՌԱՏՈՆ անվանակարգում, լավագույնների ցանկը գլխավորում է «Արտֆեստ» փառատոնը` մշակույթի բազմաթիվ ճյուղեր մեկտեղելու եւ երիտասարդ արվեստագետներին հանրությանը ներկայացնելու համար:

Երկրորդ հորիզոնականում` «Հայֆեստ» թատերական փառատոնն է, նորարարական մոտեցման եւ բազմաթիվ արտասահմանյան ներկայացումներ հյուրընկալելու համար:

Երրորդ տեղում «Ֆրեսկո» արդի արվեստի եւ հոգեւոր ֆիլմերի միջազգային փառատոնն է, հոգեւոր եւ մշակութային երկխոսության միջոցով հանրության մեջ սիրո, համերաշխության ու մարդասիրական արժեքների վերահաստատման եւ հոգեւոր արժեքների տարածման համար:


ՑՈՒՑԱԿԸ ԳԼԽԱՎՈՐԱԾ ՎԱՏԱԳՈՒՅՆՆԵՐԸ

Քանի որ վատագույնների ցուցակում, երկու անվանակարգում էլ ընդգրկված էին երկու ֆիլմ եւ փառատոն, ուստի ներկայացնում ենք ոչ թե եռյակ, այլ` ցուցակը գլխավորած վատագույններին:

Կինոոլորտում ՎԱՏԱԳՈՒՅՆ ՖԻԼՄ անվանակարգում, ըստ ընթերցողների, Կարին Հովհաննիսյանն է իր «1915» ֆիլմով, Ցեղասպանության թեման շահարկելու եւ ֆիլմում թեմայից շեղվելու համար:

Իսկ ՎԱՏԱԳՈՒՅՆ ՓԱՌԱՏՈՆ անվանակարգում` «Կին» կինոփառատոնը, ֆեմինիստական գաղափարախոսություն քարոզելու համար:


ԼԻԼԻԹ ԵՂԻԱԶԱՐՅԱՆ