Գովազդ
 

Ամենաընթերցվածները

 

Արխիվ

< Փետրվար 2016 >
Եր Եր Չր Հն Ու Շա Կի
1 2 3 4 5 6 7
8 9 10 11 12 13 14
15 16 18 19 20 21
22 23 24 25 26 27 28
29            
 

Իրավունքը Facebook-ում

Joomla Templates and Joomla Extensions by ZooTemplate.Com
 
Սպորտ
Չորեքշաբթի, 17 Փետրվար 2016 18:32

ՄՈՎՍԻՍՅԱՆԻ ՎԻՃԱԿԸ ՍԿՍՈՒՄ Է ԿԱՐԳԱՎՈՐՎԵԼ

 


Ֆուտբոլի Հայաստանի ազգային հավաքականի հարձակվող Յուրա Մովսիսյանի գործերը նոր ակումբում՝ ամերիկյան «Ռեալ Սոլտ Լեյքում» միանշանակ ընթացք չունեն: Հայ ֆուտբոլիստը թեեւ արդեն հասցրել է հարմարվել ակումբին, որտեղ նախկինում խաղացել է, կարողացել է նաեւ հեղինակել գոլ (կորեական «Սյոննամի» դարպասը), ինչի շնորհիվ թիմը հաղթանակ է տարել, բայց հասցրել է նաեւ հանդիպման ժամանակ վիճաբանության մեջ ընկնել ու հեռացվել խաղադաշտից («Պորտլենդի» դեմ ստուգողական խաղում): Իհարկե՝ խաղադաշտից հեռացվելը մի արտասովոր բան չէ, եւ Մովսիսյանի հեռացումն էլ մի կողմ թողնենք: Չնայած դրան, դեռ խաղային առումով դժվար է գնահատական տալ Մովսիսյանի ներկայիս մարզավիճակին: Թեեւ զգացվում է, որ հայ ֆուտբոլիստը քիչ-քիչ դուրս է գալիս այն վիճակից, որում հայտնվել էր Մոսկվայի «Սպարտակում» հանդես գալու վերջին շրջանում, որտեղ արդեն պիտակավորվում էր որպես ոչինչ չանող, բայց գումար վաստակող ֆուտբոլիստ: Եվ նույն «Սպարտակի» ներկայիս վերաբերմունքն էլ հուշում է, որ նոր թիմում Մովսիսյանն անհամեմատ ավելի լավ տեսք ունի:

 

Համենայնդեպս, «Սպարտակի» գլխավոր տնօրեն Սերգեյ Ռոդիոնովը Sovsport.ru կայքին տված հարցազրույցում Յուրա Մովսիսյանի վերադառնալու հնարավորության մասին խոսելիս` մեջբերել է՝ երբեք մի ասա` երբեք արտահայտությունը, մասնավորապես նշելով. «Եթե Յուրան ցուցադրի իրեն, խաղա այնպես, ինչպես ժամանակին, ամեն ինչ հնարավոր է»: Տպավորություն է, թե խոսքը ոչ թե Ռուսաստանի, այլ, ասենք, Իսպանիայի առաջնության եւ այն էլ Մադրիդի «Ռեալ» կամ «Բարսելոնա» վերադարձի մասին է: Այսինքն՝ արդյոք Մովսիսյանը կցանկանա՞ վերադառնալ մի թիմ, որտեղ խիստ դժվար ու տհաճ ժամանակներ է ապրել… Բայց մյուս կողմից էլ չմոռանանք, որ ժամանակն արդեն ամենեւին էլ Մովսիսյանի օգտին չի աշխատում, եւ դժվար է հավատալ, որ նա կվերագտնի իր երբեմնի տպավորիչ խաղը: Իսկ ահա Հենրիխ Մխիթարյանի դեպքում ամեն ինչ միանշանակ է. հայ ֆուտբոլիստը քիչ-քիչ տեղափոխվում է բոլորովին այլ հարթություն: Մխիթարյանի փայլուն խաղը ընթացիկ մրցաշրջանում եւ այն բարձր արդյունավետությունը, որն ապահովում ֆուտբոլիստը յուրաքանչյուր խաղում աննկատ չի մնացել. «Transfermarkt.de» կայքի փոխանցմամբ՝ Մխիթարյանի տրանսֆերային արժեքը բարձրացել է 6 միլիոն եվրոյով՝ հասնելով 28 միլիոն եվրոյի: Այս ցուցանիշը ռեկորդային է` Մխիթարյանի համար, թեեւ ներկայիս խաղը շարունակելով նա հաստատ դեռ շատ նման ռեկորդներ կունենա: Եվ սա այն դեպքում, երբ դեռ անցած տարի «Բորուսիայի» ղեկավարությունը մի գլուխ քննադատություններ էր ստանում Մխիթարյանին ձեռք բերելու համար:

Իսկ ահա Արաս Օզբիլիսի գործերը նույն թարսվածությամբ էլ շարունակվում են: Այն, որ նա դեռ մնում է «Ռայո Վալեկանոյի» պահեստայինների նստարանին եւ Իսպանիայի առաջնության 24-րդ տուրում անգամ չհայտավորվեց «Սպորտինգի» դեմ խաղին, այդ մասին է վկայում: Բայց Իսպանիան մնում է Իսպանիա, եւ հուսանք, որ մեր Ազգային ընտրանու կիսապաշտպանի լավ օրերը դեռ առջեւում են:

ՔՐԻՍՏԻՆԵ ՊԵՏՐՈՍՅԱՆ