ՊԵՏՈՒԹՅՈՒՆԸ ՄԵՆՔ ԲՈԼՈՐՍ ԵՆՔ

Լրագրողների հետ հանդիպման ընթացքում ԱԺ պատգամավոր, ՍԻՄ նախագահ ՀԱՅԿ ԲԱԲՈՒԽԱՆՅԱՆԸ մինչ կպատասխաներ հարցերին, հիշեցրեց, որ դեկտեմբերի մեկին Լեռնային Ղարաբաղի  ՀՀ-ին միավորման 24-րդ տարեդարձի օրն է, այդ կապակցությամբ վերջինս շնորհավորեց բոլորին: Այնուհետ ՍԻՄ նախագահը ներկայացրեց Գյուլիստանի պայմանագրի 200-ամյակին նվիրված միջազգային կոնֆերանսին կատարած իր քաղաքագիտական վերլուծությունը, որն իր մեջ պարունակում է 5 եզրակացություն, ելնելով քաղաքագիտական ու պատմաիրավական իրողություններից, որի մասին առավել մանրամասն ներկայացված է ՙԻրավունք՚ թերթի 129-րդ համարում: Այնուհետ պատգամավորը պատասխանեց լրագրողների հարցերին:
-Ի±նչ կասեք Ուկրաինայի եվրաասոցացվելուց հրաժարվելու վերջին որոշման մասին, որը շարունակվում է մնալ ուշադրության կենտրոնում:
- Փաստ է, որ Ուկրաինան, որը Եվրամիության անմիջական հարեւանն է, ավելի շատ էր անցել եվրաինտեգրման ճանապարհը եւ պրակտիկապես հարցը համարվում էր լուծված, սակայն այնտեղ եվրաասոցացվելու դեմ բարձրացավ ժողովրդական մեծ ալիք: Բիզնես համայնքը Ուկրաինայում եւս ընդվզեց, քանի որ կորցնում էր շատ բան: Քաղաքական համայնքի զգալի մասը չէր ընդունում այն շանտաժն ու պարտադրանքը, որը դրված է իրենց առջեւ, որի արդյունքում ծրագիրը տապալվեց: Եվրասիա մայրցամաքի արեւելքում ստեղծվում է Եվրասիական միություն, իսկ Ուկրաինան լինելով շատ լուրջ եվրոպական պետություն, հաշվարկեց, թե ինչն է իրենց համար օգուտ, ինչն է վնաս: Օրերս տեղի ունեցավ ուկրաինացի պատգամավոր Օլեգ Ցարիեւի հայտարարությունը, որտեղ նա նշեց, որ ԱՄՆ-ը կիրառում է իրենց դեմ ՙպլան Բ-ն՚, այն պահեստային ռեզերվը, որը մղում է Ուկրաինայում քաղաքացիական պատերազմի: Այնպես որ, թե մեզ մոտ, թե իրենց մոտ ներկայացվում են նույն ծրագրերը: Դուք տեսնում եք, թե ինչ է կատարվում մեր երկրում` ՄՄ-ին միանալու կապակցությամբ, որտեղ արեւմտամետների հիսթերիան հասել է մարազմի աստիճանի: Ես միշտ շեշտել եմ, որ Հայաստանը պետք է լինի ՄՄ հիմնադիր երկրներից մեկը, որպեսզի մենք մեր պատկերացումներով մեր ազդեցությունն ունենանք Եվրասիական միության ստեղծման գործընթացում: Այդ ճանապարհն այսօր ընթանում է, դեկտեմբերին կլինի ճանապարհային քարտեզը, իսկ փետրվարին ամենայն հավանականությամբ ՀՀ-ն կանդամագրվի ՄՄ-ին: Երկու շաբաթ առաջ մեզ մոտ էին գտնվում ՌԴ պետդումայի պատգամավորները, ՄՄ-ի նախարարներ, ՌԴ-ի եւ ՀՀ-ի գործադիր անդամներ, որտեղ ամենայն մանրամասնորեն քննարկվեցին բազում հարցեր: Այդ ամենը քննարկվեց մեր ընդդիմության ներկայությամբ, որոնց հարցերին եւս տրվեցին կոնկրետ պատասխաններ:

ՙԵՎՐՈՊԱԿԱՆ ԲԱՐՔԵՐԻՑ ԵՎՐՈՊԱՑԻՆԵՐՆ ԵՆ ՏՆՔՈՒՄ՚


-Շատ փորձագետներ գտնում են, որ մեզ վրա ակնհայտորեն ճնշում կա ՄՄ-ի կողմից, եւ ի±նչ եք կարծում, ի±նչ չարեց Եվրոպան, որ կարողանար արեւելյան գործընկերության երկրներին պահեր իր կողքին:
- Նախ` ես լուրջ փորձագետից չեմ լսել, որ ասի, թե ակնհայտ ճնշումներ կան Ռուսաստանի կողմից: Բայց այո, կան քաղաքական գործիչներ եւ տարբեր գրանտակերներ, որոնք պարզապես փորձում են հիմնավորել իրենց քաղաքական համոզմունքները կամ ճնշումներով փորձեն  բացատրել, թե ինչու ՀՀ-ն, Ադրբեջանը, Ուկրաինան եւ անգամ արդեն նկատում ենք` Վրաստանը չեն գնում այդ ճանապարհով: Չէ± որ գոյություն ունի հաշվարկ, բիզնեսմենը պարզ թվաբանություն է կատարում եւ հասկանում, որ եվրաասոցացվելուց կորցնում է շատ բան, ժողովուրդներն ասում  են, որ չեն ցանկանում իրենց երկրներում լինեն այնպիսի բարքեր, ինչպիսիք են նեոեվրոպական արժեքները, որոնցից հենց իրենք` նորմալ եվրոպացիներն են տնքում: Իսկ սրան զուգահեռ Ռուսաստանը ոչ մի շանտաժ չի անում, թե կգնդակահարեմ, եթե չմիանաս մեզ: Նրանք ասում են` դուք ունեք մեզ հետ արտոնյալ առեւտրային հարաբերություններ: Իսկ եթե դուք այլ միության հետ եք ցանկանում լինել, ապա մեզ հետ կունենաք ստանդարտ ոչ արտոնյալ վիճակ: Այսինքն կամ մենք դաշնակից ենք, կամ դաշնակից չենք: Օրինակ ՌԴ-ն գազի, նավթամթերքների, ալմաստների, եւ շատ այլ հումքի արտահանման համար նախատեսված 30 տոկոս մաքսատուրքը հանում է, եթե մենք իրար հետ դաշնակից ենք, իսկ եթե ոչ, ապա ինչպես մնացած երկրները` այն պետք է վճարեն: Սա չի նշանակում ճնշում, այլ սա կոնկրետ համագործակցության առաջարկ է:
Ինչ վերաբերում է Եվրոպայի արած-չարածին, ապա 20 տարի է` գնում ենք` ՙԵվրոպա-Եվրոպա՚ ասելով, սակայն գրեթե ոչինչ չարվեց: Ավելին, նույնիսկ երբեմն վնասեց: Օրինակ, Եվրոպայի ճնշման տակ մեր երկրում բարձրացվեցին Եհովայի վկաների շահերը, ովքեր չեն ծառայում մեր բանակում եւ ըստ էության արտոնյալ են: Իսկ մենք ստիպված էինք գնալ դրան, թեեւ ես որպես պատգամավոր կողմ չեմ քվեարկել դրան, բայց  Հայաստանը ստիպված է կատարել իր պարտավորությունները` Եվրոպայի առջեւ ստանձնած: Սա մարդու իրավունքների խախտում է մնացած զինվորների նկատմամբ: Ստացվում է` կրոնական չափանիշով աղանդավորներն ունեն արտոնություն` չկատարելու իր երկրի Սահմանադրությունը, իսկ Հայ առաքելական եկեղեցու հետեւորդը Հայաստանում լրացուցիչ պարտավորություն ունի` բանակ գնալու: Այսինքն սրանով թուլացրեցին մեր բանակը, անվտանգության առումով: Իսկ տնտեսության մեջ ոչ մի ներդրում չկատարեցին: Մյուս կողմից Եվրոպան իր ամենամոտ բարեկամ Թուրքիային 20 տարվա մեջ անգամ չկարողացավ համոզել, որ շրջափակումը վերացնեն: Ինչ վերաբերում է եվրոպական արժեքներին, դրանք քայքայում են հայ ընտանիքն ու եկեղեցին, աշխարհընկալումը: Նրանք պնդում են, որ ձեր եկեղեցին չպետք է լինի արտոնյալ, սեռական այլանդակությունները պետք է պրոպագանդվեն, գեյ շքերթներ պետք է անցկացվեն եւ այլն: Իսկ հայ ավանդական ընտանիքը ու Առաքելական եկեղեցին այն ինստիտուտներն են, որոնք դարեր շարունակ պահպանել ու, ես համոզված եմ, որ պահպանելու են մեր հայրենիքն ու պետականությունը: Այդ ինստիտուտները քայքայելն ու բզկտելը պատահականություն չէ, այլ` քաղաքականություն:

ՙՆՄԱՆ ԴՊՐՈՑ ԿԱՐԵԼԻ Է ԼՈՒՍՆԻ ՎՐԱ ԷԼ ՈՒՆԵՆԱԼ՚


-ԿԳ նախարար Ա. Աշոտյանը օրերս ՄՄ-ին առաջարկել է, որ պետական լեզուն լինի հայերեն, իսկ աշխատանքային լեզուն այդ տարածքում լինի ռուսերեն: Ինչպե±ս եք վերաբերվում այդ առաջարկին:
- Ես խորությամբ ծանոթ չեմ պարոն Աշոտյանի առաջարկին: Իմ մոտեցումը լեզվական քաղաքականությանն այն է, որ ՀՀ-ում պետական լեզուն պետք է լինի միմիայն հայերենը: ՍԻՄ կուսակցությունը դեռ ԽՍՀՄ-ի տարիներին շատ խստապահանջ  եւ անզիջում  էր լեզվաքաղաքականության մեջ: Օրինակ, ես դեմ եմ, որ Դիլիջանի դպրոցում ուսումը պետք է լինի միայն անգլերեն լեզվով: Նույնիսկ Ն. Ռիժկովը, երբ վերջերս Հայաստանում էր, ծանոթանալով այդ դպրոցի հետ, տեղեկանալով, որ հայերեն չեն անցնելու` կեսկատակ-կեսլուրջ ասաց, որ նման դպրոց կարելի է նաեւ լուսնի վրա կառուցել: Օրինակ գենդեր բառը, որը օտարամուտ բառ է, շատ արեւմտամետներ պահանջում են, որ անպայման լինի ՀՀ օրենսդրության մեջ: Կամ որոշ ծաղրածուական դերասաններ եթերով Մաշտոցի արձանի մոտ կանգնած ասում են, ինչու պետք է անանասին արքայախնձոր ասենք: Ցավոք մենք` որպես ազգ, մեր լեզվի նկատմամբ շատ անտարբեր ենք: Նույն իրավիճակն է տիրում մեր փողոցներում, որտեղ խանութների կամ այլ օբյեկտների վրա փակցված են օտարալեզու ցուցանակներ ու անուններ, երբեմն էլ  դրանք հայերեն տառերով, որոնք կարդալիս հայհոյանք է ստացվում: Իսկ նման երեւույթ չենք տեսնի շատ ու շատ երկրներում` Վրաստան, Ուկրաինա եւ այլն:
- Պետությունը մեղավորություն չունի± այս հարցում:
- Ես չեմ ընդունում այդ մոտեցումը, չի կարելի ասել, որ պետությունն առանձին, է, քաղաքացին առանձին, ժողովուրդն առանձին: Պետությունը մենք բոլորս ենք: Իսկ լեզվաքաղաքական առումով կան օրենքներ, որոնք գործում են, բայց ամեն մեկս պետք է իր վրա աշխատի: Հիմա որքա±ն օտար անուններ են դնում երեխաների ծնվելուց, պետությունը մեղավո±ր է, որ մեկը իր երեխայի անունը Ջոն է դնում, ի±նչ անեն` արգելե±ն: Իսկ սովետի ժամանակ կար այդ արգելքը` օտարածին անուններով կնքելու վերաբերյալ, բայց դրան էլ ասում են տոտալիտարիզմ:

ՙՀԱՆԴԻՊՈՒՄՆԵՐԻ ԺԱՄԱՆԱԿ, ԱՅՍՊԵՍ ԹԵ ԱՅՆՊԵՍ ԽՈՍՈՒՄ ԵՆՔ ՌՈՒՍԵՐԵՆ՚

-Եթե անգամ ծանոթ չեք Ա. Աշոտյանի ասածին, ապա ընդհանուր առմամբ ինչպե±ս կվերաբերվեք, եթե աշխատանքային լեզուն ռուսերենը լինի:
- Նախ եկեք հասկանանք, թե ինչ ասել է աշխատանքային լեզու, որը բավական բարդ իրավական հարց է: Երբ ՌԴ պետդումայի ներկայացուցիչները մեզ մոտ էին, նման քննարկում եղավ, թե ինչպե±ս փաստաթղթերի շրջանառությունը կատարել եւ այլն: Բայց եւ այնպես այսօր եւս օգտագործվում է ռուսերենը որպես աշխատանքային լեզու, այսինքն հանդիպումների ժամանակ այսպես, թե այնպես խոսում ենք ռուսերեն: Բայց ԱՊՀ միջխորհրդարանական վեհաժողովում կա կարգ, որ ցանկացած մարդ կարող է խոսել իր երկրի պետական լեզվով, ապահովել դրա ռուսերեն թարգմանությունը, կամ` հակառակը:
- Որքան ժամանակ մեզանից կպահանջվի ՄՄ-ին անդամակցելու համար եւ արդյո±ք այստեղ ավելորդ շտապողականության չկա:
- Հայաստանը նոր չպետք է ծանոթանա ՄՄ-ի գործունեությանը, քանի որ երկար ժամանակ դիտորդի կարգավիճակ ունեինք, որի հետեւանքով մեզ համար այս գործընթացը բավականին սահուն է անցնում: Այո, կան բազում փաստաթղթեր, որոնք պետք է համաձայնեցվեն. Օրինակ մաքսային ոլորտում, եթե չեմ սխալվում,  կա 24 պայմանագիր, որը դեռ պետք է վավերացնենք: Ընդհանուր առմամբ ողջ օրենսդրական փաթեթը մոտ 300 օրենք է պարունակում, սակայն ժամանակին արդեն մեր օրենսդրությունն այնպես է զարգացել, որ այդ 300-ից մեծ մասը արտահայտված են մեր օրենքներում: Իսկ ահա Ղրղզստանը այդ ամենը անցնում է բարդություններով, որովհետեւ իրենց օրենսդրությունը բավականին հեռու է, եւ ճանապարհային քարտեզն ավելի երկար է:
- Ինչ օրակարգային հարցեր կքննարկվեն ՌԴ նախագահ Պուտինի` Հայաստան այցի ընթացքում:
- Պուտինը` որպես մեզ ամենամոտ դաշնակից պետության ղեկավար, գալիս է ընդգծելու ՀՀ-ի կարեւորությունը ՌԴ-ի համար, թափ հաղորդելու ՀՀ-ի ՄՄ մտնելու գործընթացին: Կա սահմանված ժամկետ, այն է 2015թ. հունվարի մեկը, երբ ձեւավորվելու է Եվրասիական տնտեսական միությունը: Մենք ունենք մեկ տարի եւ պետք է անցնենք բավականին լուրջ ճանապարհ եւ հռչակել 2015թ. Եվրասիական միությունը: Նա նաեւ գալիս է ցույց տալու, որ չի կարելի խոսել Հայաստանի հետ շանտաժի լեզվով:
- Նոյեմբերի 29-ին Հայաստանը պետք է կոնկրետ դրսեւորում ցուցաբերի եվրաասոցացման գործընթացում: Ձեր կարծիքով ո±րը կլինի այն:
- Հայաստանը չի հրաժարվել նորմալ հարաբերություններ ունենալ ԵՄ-ի հետ: Ես կարծում եմ` մեր հարաբերությունները կշարունակվեն Եվրոպայի հետ, բայց հավասարակշռված ձեւով, որը նշանակում է առանց այն պարտադրանքների, որոնք եղել են մինչ այդ:
- Ինչ տվեց Սարգսյան-Ալիեւ հանդիպումը, կարծես ոչ մի դուռ էլ չբացվեց մեր առջեւ:
- Հատուկ դռներ չեն բացվում կամ փակվում, բայց ավելի լավ է գնալ այդ բանակցային ճանապարհով, քան անընդհատ գնալ դեպի պատերազմական բախում:

ԱՐՄԵՆՈՒՀԻ ՀԱԿՈԲՅԱՆ

 

Ադրբեջանը 1 միլիարդի զենքը կարող էր գնել նաև այլ երկրներից

«Այս շաբաթը շատ կարևոր էր մեզ համար, քանի որ Հայաստան էր ժամանել ռուսական մեծ պատվիրակություն և մենք ունեցանք հայ-ռուսական հարաբերությունների և ՀԱՊԿ-ի հետ հարաբերությունների խորացման նոր առիթներ»,-այսօր լրագրողների հետ հանդիպմանն անդրադառնալով արտաքին քաղաքական վերջին զարգացումներին, ասաց ԱԺ ՀՀԿ խմբակցության անդամ, ՍԻՄ նախագահ Հայկ Բաբուխանյանը:

Անդրադառնալով Ադրբեջանին ռուսական զենք վաճառելու մասին տեղեկություններին բանախոսը նշեց, որ Ռուսաստանը աշխարհում միակ զենք վաճառողը չէ և Բաքուն կարող է այս մեկ միլիարդի զենքը գնել նաև այլ երկրներից:

Բաբուխանյանը ասաց, որ ՌԴ-ը Ադրբեջանի հետ թշնամական հարաբերություններ չունի և Մոսկվան ԱՊՀ-ի շրջանակներում հարաբերություններ է զարգացնում Ադրբեջանի հետ և Հայաստանի չի կարող միջամտել որպես 3-րդ կողմ՝ ռուս-ադրբեջանական հարաբերություններին: Սակայան կարե
ւորն այն է, որ Ռուսաստանը եւ ՀՅԱՊԿ-ը ամբողջությամբ պատրաստ են կատարել Հայաստանի հանդեպ վերցրած իրենց պարտավորությունները մեր երկրի անվտանգությունը պաշտպանելու հարցում: Բանախոսը նշեց նաեւ, որ ռուսական կողմը հավաստիացնում է, որ ռազմական հավասարակշռությունը պահպանվելու է, ինչ նշանակում է, որ Ադրբեջանին տրված զենքին համարժեք ռազմական տեխնիկա մտնելու է նաեւ Հայաստան: Հականալի է, որ մեր բյուջեն նման հնարավորություններ չունի, իսկ թե ինչպես է տեխնիկան հայտնվելու Հայաստանում Բաբուխանյանը չբացատրեց, թողնելով լրագրողներին կատարել ենթադրություններ:

«Ադրբեջանը դավանում է ռասիզմի քաղաքականություն և դա վտանգ է ոչ միայն մեզ համար, այլ նաև ողջ տարածաշրջանի և աշխարհի համար»,-ասաց Բաբուխանյանը:

Անցում կատարելով ՀԱՊԿ-ի հետ Հայաստանի հարաբերությունների խորացման թեմային ՍԻՄ նախագահը նշեց, որ ՀԱՊԿ-ի շրջանակներում Հայաստանում ստեղծվում են ռազմական արդյունաբերության ձեռնարկություններ, խորանում է ռազմատեխնիակական համագործակցությունը:

Նա նշեց, որ Հայաստանը զուգահեռաբար զարգացնում է հարաբերությունները նաև ԵՄ-ի հետ՝այս շաբաթ ՀՀ Նախագահ Սերժ Սարգսյանը Լեհաստանում էր:

«Լեհաստանը շատ կարևոր, առանցքային երկիր է Եվրոպայում և այդ երկրի հետ հարաբերությունների խորացումը բխում է մեր շահերից»,-ասաց բանախոսը:

Հ. Բաբուխանյանը նշեց, որ ՀՀ Նախագահ Սերժ Սարգսյանը վարում է նախաձեռնող արտաքին քաղաքականություն, ինչը բխում է ՀՀ շահերից և այդ քաղաքականությունը տալիս է իր դրական արդյունքները:

 

ԿՑԱՆԿԱՆԱՅԻ, ՈՐ ՄԵՆՔ ԼԻՆԵԻՆՔ ԵՎՐԱՍԻԱԿԱՆ ՄԻՈՒԹՅԱՆ ՀԻՄՆԱԴԻՐ ԱՆԴԱՄ

ԱԺ ՀՀԿ խմբակցության պատգամավոր, ՍԻՄ նախագահ ՀԱՅԿ ԲԱԲՈՒԽԱՆՅԱՆԸ, ով վերջերս է վերադարձել Սանկտ Պետերբուրգում տեղի ունեցած խորհրդաժողովներից, ասուլիսի ժամանակ խոսելով Եվրասիական միության շուրջ զարգացումների եւ Հայաստանի ներգրավվածության մասին` նշեց. ՙԵվրասիական միության գաղափարը շատ արագ եւ դինամիկ զարգանում է, այսինքն` Ռուսաստանը գնում է այդ բեւեռի ձեւավորման գործընթացին, ժամկետներ են դրված, որ մինչեւ 2015 թվականի հունվարի մեկը պետք է լինի արդեն ձեւավորված Եվրասիական միություն հասկացությունը: Այսինքն` մենք պետք է կարողանանք ընդամենը մեկուկես, ամենաշատը երկու տարվա ընթացքում կողմնորոշվել, որ ճանապարհով է գնում Հայաստանը, եւ արդյոք Հայսատանը ինչ կերպ է ներգրավվելու այդ գործընթացի մեջ: Ասեմ, որ այն միջոցառումները, որոնք տեղի ունեցան Սանկտ Պետերբուրգում, կազմակերպված էին շատ բարձր մակարդակով, որտեղ ներկա էին  ՌԴ պետդումայի ղեկավար Սերգեյ Նարիշկինը, ով վարում էր կոնֆերանսներից մեկը, որը կոչվում էր ՙԵվրասիական տնտեսական հեռանկար՚: Մյուս կոնֆերանսը, որը կոչվում էր ՙԵվրոպան առանց բաժանանար գծերի՚, որը կազմակերպել էին ԵԽԽՎ-ն եւ ԱՊՀ Միջխորհրդարանական վեհաժողովը, վարում էին ԵԽԽՎ-ի նախագահը եւ ՌԴ-ի Դաշնային խորհրդի նախագահ Վալենտինա Մատվիենկոն՚:
Եվրասիական միության վերաբերյալ միջոցառմանը մասնակցում էին  Ռուսաստանի, Ղազախստանի, Բելառուսի, Ղրղըստանի, Տաջիկստանի ներկայացուցիչները, իսկ Հայաստանի պատվիրակությունը ղեկավարում էր ԱԺ փոխնախագահ Հեմինե Նաղդալյանը: Այդտեղ ներկա էին նաեւ Մոլդովայի եւ Ուկրաինայի պատգամավորներ, ինչը նույնպես ցույց է տալիս այդ երկրների հետաքրքրվածությունը հարցի վերաբերյալ:

ԵՎՐԱՍԻԱԿԱՆ ՄԻՈՒԹՅԱՆ ՀԻՄՆԱԿԱՆ ՎՏԱՆԳԸ ԹՈՒՐՔԻԱՅԻՑ Է

ՙ
Ասեմ, որ գործընթացը շատ արագ եւ հստակ է ընթանում, ճշտված են այն ուղղությունները, որոնք պետք է հիմնական լինեն Եվրասիական միության ձեւավորման ընթացքում: Նշեմ նաեւ, որ տնտեսական ցուցանիշներով Եվրասիական միությունը արդեն իսկ առաջ է անցնում իր տեմպերով Եվրոպական միությունից, եւ այժմ, երբ աշխարհը գտնվում է բավականին անկայուն վիճակում, թե° ֆինանսական եւ թե° տնտեսական ու քաղաքական առումներով, եւ դեռեւս այդքան էլ հասկանալի չէ, թե ինչ նոր քաղաքական տնտեսական, ֆինանսական կառուցվածք կունենա ապագա աշխարհը թեկուզ մի քանի տարի հետո, բնական է, որ մեզ համար Եվրասիական միությունը շատ կարեւոր թեմա է՚:
Պատգամավորը իր խոսքում հավելեց, որ Եվրասիական միության համար ավելի վտանգավոր է ոչ այնքան Եվրամիության ընդլայնումը դեպի Արեւելք, որովհետեւ ԵՄ-ն մինչեւ 2020 թ., կարծես թե, նոր անդամներ դեռ չի տեսնում  (բացի Խորվաթիայից), այլ ավելի վտանգավոր են Թուրքիայի պանթուրքիստական նկրտումները: Վերջերս ստեղծել է այսպես կոչված ՙԹյուրք ՊԱ՚, այսինքն` թյուրքական պետությունների պառլամենտական ասոցիացիան` Թուրքիա, Ադրբեջան, Ղրղստան եւ Ղազախստան: Եվ արդեն այդ ՙԹյուրք ՊԱ՚-ն դարձել է դիտորդ եւ սեւծովյան կազմակերպությունում, եւ ԱՊՀ միջխորհրդարանական վեհաժողովում: Այսինքն, Եվրասիական միության համար մեծ է վտանգը  թյուրքական նեոօսմանիզմի գաղափարախոսությունից: ՙԵս հարցադրում արեցի առ այն, որ  Հայսատանի համար շատ կարեւոր է տեսնել ապագա Եվրասիական միությունում չճանաչված հանրապետությունների կարգավիճակը, եւ, թե ինչպիսին կլինի, մասնավորապես Լեռնային Ղարաբաղի հարցը, արդյոք այդ ճանապարհով մենք կարող ենք ապահովել ԼՂՀ անվտանգությունը, անկախությունը եւ մարդկանց իրավունքը` հանգիստ ու խաղաղ ապրելու իրենց սեփական հողի վրա:
Եվ վերջապես, երրորդ հարցադրումը, որ ես արեցի, որ չպետք է թույլ տանք, որ մեզ հետ խոսեն վերջնագրերով, ինչպես դա փորձում են անել որոշ եվրոպական չինովնիկներ: Եթե մենք խոսում ենք ինքնիշխանության մասին (ասեմ, որ Եվրասիական միության սկզբունքներից մեկը սուվերենիտետի հարգումն ու պաշտպանությունն է յուրաքանչյուր երկրի դեպքում), դա նշանակում է, որ չպետք է դրվի ՙկամ-կամ՚ պայմանները, որոնք փորձում են մեզ թելադրել, այլ պետք է զարգացնել ՙեւ-եւ՚ տարբերակը: Եվ ուլտիմատում մեզ դնել` կա°մ դուք Եվրոպայի հետ եք, կա°մ Ռուսաստանի, անթույլատրելի է: Նման վերջնագրեր, բնականաբար, այս կամ այն չափով դրվում են բոլոր երկրների առջեւ, ովքեր Եվրասիական միության պոտենցյալ անդամներ են, եւ այստեղ պետք է համատեղ դիրքորոշում որդեգրել, որպեսզի նման ուլտիմատումներ մեր առջեւ չդրվեն՚:

ԱԴՐԲԵՋԱՆԱԿԱՆ ՌԱՍԻԶՄԻ ՀԵՐԹԱԿԱՆ ԴՐՍԵՎՈՐՈՒՄԸ

Երկրորդ կոնֆերանսի մասին ՍԻՄ նախագահն ասաց, որ Հայաստանի համար հիմնական բաժանարար գիծը հայ-թուրքական սահմանն է, հայ-ադրբեջանական կոնֆլիկտը: Ի դեպ, այս միջոցառման ժամանակ ՙշատ հետաքրքիր՚ ելույթ ունեցավ Ադրբեջանի խորհրդարանի փոխնախագահը, ով պարզապես ապշեցրեց ներկաներին իր ռասիստական հերթական դրսեւորմամբ: Նա հայտարարեց, որ 21-րդ դարում ազգային փոքրամասնություն հասկացություն չպետք է լինի, եւ յուրաքանչյուր պետության մեջ ապրող բոլոր քաղաքացիները, անկախ ազգությունից, պետք է դառնան այդ պետության ազգը: Այսինքն` Ադրբեջանում ապրող բոլոր, ասենք, թալիշները պետք է դառնան  ադրբեջանցիներ, իսկ Ռուսաստանի օրինակը բերելով` նա ասաց, որ Ռուսաստանում պետք է լինի մեկ` ռուսաստանյան ազգ: Եվ քանի որ, ըստ ադրբեջանցիների, այլեւս չպետք է լինեն ազգային փոքրամասնություններ, ուստի, նա չի հասկանում` ինչ է ազգային փոքրամասնությունների իրավունք ասածը, հետեւաբար, չի հասկանում, թե ինչ է ազգերի ինքնորոշման իրավունքը: Այս տարօրինակ ելույթը շատ արտառոց ընկալվեց ռուսական կողմից, որն ունի իր խնդիրները` ռուսների ազգային փոքրամասնությունների իրավունքները Մերձբալթյան երկրներում: Ադրբեջանական ՙնորարարությունը՚ չընդունվեց նաեւ եվրոպացիների կողմից, որոնց համար հիմնարար իրավունքներից է ազգային փոքրամասնությունների իրավունքը:
Սակայն Ադրբեջանում ընթացող ռասիզմի մոլագարությունը շարունակվում է, եւ դա դրսեւորվում է արդեն այնպիսի փաստերով, ինչպիսին էր իրենց պառլամենտի փոխնախագահի նման պաշտոնական ելույթը:

ՄԵՆՔ ԵՎՐԱՍԻԱԿԱՆ ՔԱՂԱՔԱԿԱՆՈՒԹՅԱՆ ԿՐՈՂ ԵՆՔ


- Ինչ է տալիս Եվրասիական միությանն ինտեգվելը:
- Նախ` հիմնականում ԱՊՀ երկրները շահագրգռված հետաքրքրություն են ցուցաբերել հարցի վերաբերյալ: Պետք է հասկանանք, որ աշխարհը գնում է նոր բեւեռների ձեւավորմանն ու հզորացմանը: Շեշտը դրվում է տնտեսական համագործակցության վրա, խոսքը հսկայական տարածքի մասին է, որն աշխարհի ամենամեծ մակրոտնտեսական, մակրոքաղաքական միավորումն է իր տարածքով: Բացի այդ, խոսքը առեւտրի եւ ազատ տեղաշարժման, ներդրումների ակտիվացման, էներգետիկ պաշարների հասանելիության մասին է, որը շատ կարեւոր է նաեւ մեզ համար: 200 միլիոն մարդ` դա հսկայական ընդհանուր շուկա է: Կա նաեւ հումանիտար կողմը, դա մշակութային համագործակցությունն է, որի հետ կապված շատ են խոսում, որ դա մեկ ցիվիլիզացիոն տարածք է, այսինքն` մարդիկ, ովքեր ապրում են այդ տարածքում, իրենց մտածելակերպով, կրթությամբ, մշակույթով շատ ավելի մոտ են, եւ հանդիսանում են Եվրասիական քաղաքակրթության կրողներ: Կոնկրետ Հայաստանի պարագայում դա արեւելյան քրիստոնեական քաղաքակրթությունն է, նույնը կարելի է ասել նաեւ Ռուսաստանի, քրիստոնյա այլ երկրների մասին, ովքեր, հավանաբար, կմտնեն այդ ապագա միության մեջ:
- Բայց մի±թե չկա հիմա այդ ամենը:
- Մաքսային միությունը տալիս է մաքսային խնդիրների վերացում, պետք է վերանա անձնագրային հսկողությունը, որով մեկ աստիճանով բարձրացնում ենք ինտեգրացիոն մակարդակը: Այս ամենը նաեւ քաղաքական ու ռազմաքաղաքական համագործակցություն էª անվտանգության ապահովումով: Այսինքն` ՀԱՊԿ-ի գործառույթները նույնպես պետք է տեղավորվեն Եվրասիական միության գաղափարում, եւ ինչպես նշել է մեր նախագահը, հնարավոր չէ երկրի անվտանգությունը ապահովել մի համակարգում, իսկ տնտեսական համագործակցությունը տեսնել այլ դաշինքում: Թեեւ Ղազախստանը իր շեշտադրումը դնում է միայն տնտեսական համագործակցության վրա, բայց ՌԴ-ի դիրքորոշումը հետեւյալն է, որ տնտեսությունը առաջնահերթ է, դրան գումարվում է քաղաքականությունը եւ անվտանգությունը:
- Պարոն Բաբուխանյան, շատերն այս գործընթացի մեջ տեսնում են նորացված ԽՍՀՄ-ի մոդելը ստեղծելու միտումներ:
- ԽՍՀՄ-ի բազայում կոմունիստական գաղափարախոսությունն էր, որի մասին այսօր չկա ոչ մի խոսք: Իսկ Եվրասիական միության համար հռչակված են երեք սկզբունքներ. ինքնիշխանության հարգումը բոլոր պետությունների նկատմամբ, ներքին գործերին չխառնվելու քաղաքականություն եւ տնտեսական ինտեգրացիա, որը պետք է նպաստի անդամ երկրների հասարակությունների բարօրությանը, երկրների ՀՆԱ-ի աճին:
- Մի շարք եվրոպական երկրներ ահազանգում են, որ Ռուսաստանը ցանկանում է վերականգնել իր ազդեցության գոտիները նախկին ԽՍՀՄ-ի տարածքներում: Արդյոք կա± այդ հավակնությունը:
- Այո, իհարկե, կա այն առումով, որ վերաձեւավորվում, վերակազմավորվում է այն տարածքը, որը կար նախկին Խորհրդային Միությունում, բայց նոր տիպի ու ճարտարապետության մեջ: Տվյալ դեպքում խոսքը գնում է բեւեռի հզորացման մասին է: Ի դեպ, ՀԱՊԿ ԽՎ-ում դիտորդի կարգավիճակ են ստացել Սերբիան եւ Աֆղանստանը:
- Դուք ժամանակին նշել եք, որ Հայաստանը պետք է լինի Եվրասիական միության ճարտարապետներից մեկը: Ունե±նք մենք այդ պոտենցյալը եւ ինչ քայլեր ենք արել դրա համար:
- Ես հիմա եւս այն կարծիքին եմ, որ Հայաստանը պետք է օգտվի այս պահից, որ դեռ չկա պատրաստի մոդել, որը կոչվում է Եվրասիական միություն, այլ գտնվում ենք այն փուլում, որ այն դեռ կառուցման մեջ է, եւ մենք պետք է մասնակցենք այդ ՙնախագծային՚ աշխատանքներին, լինենք շատ ակտիվ, որպեսզի մեր խնդիրները, մեր հետաքրքքրությունները նույնպես դնենք այդ ճարտարապետության հիմքում: Չպետք է դիտվենք պոչից միացած մի պետություն, որը գալիս է պատրաստի քաղաքական կառույցի մեջ: Չէ± որ մենք ունենք Ղարաբաղի խնդրի հետ կապված հարցեր, առաջ ենք քաշում պանթուրքիզմի հնարավոր վտանգները կանխելու հարցը: Հայաստանը ունի մեծ պոտենցյալ եւ կարող է ունենալ ազդեցություն այն առումով, որ Հայաստան-Թուրքիա սահմանը սովորական միջպետական սահման չէ, դա ՀԱՊԿ-ՆԱՏՕ սահմանն է: Այսինքն` երկու աշխարհաքաղաքական ռազմական բլոկների սահանագծում է գտնվում հայ-թուրքական սահմանը: Այս առումով, իհարկե, Հայաստանի կարեւորությունը շատ մեծ է, պատահական չէ, որ ՌԴ բազան Հայաստանում գտնվում է Ռուսաստանի ղեկավարության անմիջական հսկողության ներքո, պատահական չէ, որ այս բազան ճանաչվել է ՌԴ-ի արտասահմանում գտնվող զորամիավորումներից ամենաունակը, ամենակազմակերպվածը եւ այս առումով` մենք ունենք մեր ներդրումը ընդհանուր պաշտպանողական համակարգը ձեւավորելու գործում:
- Ամիսներ առաջ ՀՀ վարչապետը բավական վերապահումով արտահայտվեց եվրասիական եւ մաքսային միությանը անդամակցելու հարցում` հատկապես շեշտելով սահմանների չգոյությունը ՌԴ-ի հետ: Ի±նչ փոխվեց այս ամիսների ընթացքում:
- Ինչ վերաբերում է տարածքային անջատվածությանը, ապա մենք հեռու ենք ՌԴ-ից 200 կմ եւ 1000 կմ եվրոպական սահմանից: Այսինքն` եթե խոսում ենք տարանջատվածության մասին, ապա 5 անգամ ավելի մոտ ենք ՌԴ-ին, քան Եվրամիության սահմանին: Իհարկե, տարանջատված լինելու հանգամանքը խոչընդոտ է, բայց դա անհաղթահարելի խոչընդոտ չէ:
- Այս միության մեջ, Հայաստանի կարգավիճակը ինչպիսին կլինի, հնարավո±ր է լինի ասոցիացված անդամ կամ դիտորդ:
- Կցանկանայի, որ Հայաստանը լիներ Եվրասիական միության լիիրավ, ավելին` հիմնադիր անդամ եւ օգտվեր այդ կարգավիճակի առավելություններից:

ԱՐՄԵՆՈՒՀԻ ՀԱԿՈԲՅԱՆ

 

ՍՈՎՈՐԱԿԱՆ ՍԱԴՐԱՆՔ ԵՎ ԱՊԱՏԵՂԵԿԱՏՎՈՒԹՅՈՒՆ


ՍԻՄ լրատվական ծառայությունը տարածել է հերքում, առ այն, որ ֆեյսբուքում եւ որոշ լրատվամիջոցներում հրապարակված այն սադրիչ հայտարարությունները, թե այսօր լրագրողների հետ հանդիպման ժամանակ ՍԻՄ նախագահ, ԱԺ ՀՀԿ խմբակցության պատգամավոր Հայկ Բաբուխանյանը ի պատասխան լրագրողի այն հարցին, թե արդյոք նա կիսում է այն կարծիքը, որ Ր. Հովհաննիսյանին ձայն են տվել անգիտակից մարդիկ, իսկ այդ հարցին պատգամավորը իբրեւ թե պատասխանել է, որ Րաֆֆի Հովհաննիսյանին ձայն են տվել միայն հոմոսեքսուալիստները, աղանդավորները եւ անգիտակից մարդիկ: Սա ամբողջությամբ հերյուրանք է: Նշենք, որ սա սովորական սադրանք է եւ էժանագին ապատեղեկատվություն, եւ այն լրատվամիջոցները որոնք տիրաժավորել էին ֆեյսբուքյան այդ ապատեղեկատռվությունը, արդեն իսկ ներողություն են խնդրել եւ հերքել են այն: Իրականում Հ. Բաբուխանյանը ոչ միայն չի ասել նման խոսք, ոչ միայն չի կիսել այն կարծիքը, թե միայն անգիտակից մարդիկ են ձայն տվել Ր Հովհաննիսյանին, այլ նշել է, որ շատերը գիտակցաբար այդպես են վարվել իշխանություններին ընդդեմ քվեարկելու համար:

 

ՍԻՄ լրատվական ծառայություն

 

Ընտրությունների վերաբերյալ երեք միֆերը, որոնք օդ ցնդեցին



Այսօր ԱԺ ՀՀԿ խմբակցության պատգամավոր Հայկ Բաբուխանյանը խոսեց նախագահական ընտրությունների արդյունքների մասին: «Մենք կարող ենք մեր ժողովրդին շնորհավորել, որովհետև ժողովուրդը տարավ հաղթանակ: Անկախ հանրապետության պայմաններում առաջին ընտրություններն էին,  որ Հայաստանը դուրս եկավ ուժեղացած, ոչ թե հասարակությունը հակառակ թշնամաբար իրար հանդեպ տրամադրված բևեռների բաժանված:  Վերընտրված նախագահը ստացավ ժողովրդի մեծամասնության ձայները»,-ասաց նա:

Հայկ Բաբուխանյանը նշեց, որ այս ընտրություններից առաջ երեք միֆ կար, որոնք այժմ օդ ցնդեցին: Առաջին միֆն այն էր,  թե իբր չկա մրցակցություն և իբր հիմնական կուսակցությունները չեն մասնակցում: Երկրորդ միֆը  ժողովրդի անտարբերությունն էր, իսկ երրորդ միֆն այն էր, թե իբր Հայաստանում ձևավորվել էր վախի մթնոլորտ։ Իրականում բոլոր պառլամենտական ուժերը մասնակցել են ընտրություններին` կամ իրենց թեկնածուներով, կամ ընտրական հանձնաժողովներում:Ընտրողների ակտիվությունը նույնն էր, ինչ նախորդ ընտրություններում:

«Առաջին անգամ է  որ Հայաստանում այս կարգի օրինականություն դրսևորվեց: Որևէ քաղաքացու նկատմամբ որևէ ճնշում չի եղել»,- ասաց նա և նշեց, որ այս ընտրությունների առանձնահատկություններից մեկը հանդուրժողականությունն է: Ըստ նրա՝ ընտրություններում հաղթեց ազգային պահպանողական գաղափարախոսությունը։

Հարցին, թե ինչպես եք գնահատում, թե ամեն ինչ լավ է, երբ Ազատության հրապարակում ժողովուրդը դժգոհում է կեղծված ընտրություններից,  Հայկ Բաբուխանյանը պատասխանեց.«Դա նույնպես  ժողովրդավարության դրևսորում է, մարդիկ կան, որոնք դժգոհում են, որ իրենց թեկնածուն չի ընտրվել եվ ազատ են իրենց այդ կարծիքը արտահայտելու մեջ:  Լուրջ փաստարկված բողոքներ չեն եղել»,-ասաց նա:

 

Րաֆֆի Հովհաննիսյանն ընդունել է ընտրության արդյունքները. Հայկ Բաբուխանյան

 

Րաֆֆի Հովհաննիսյանն ընդունել է ընտրության արդյունքները. Հայկ Բաբուխանյան

՛՛Ընտրություններից մենք դուրս եկանք հաղթանակած ժողովրդով: Մեր երկրի վերընտրված նախագահը, ինչպես կանխատեսում էինք, ստացավ ժողովրդի մեծամասնության ձայները՛՛,-այսօր ասուլիսում փետրվարի 18-ին կայացած նախագահական ընտրություններին նման գնահատական տվեց ՍԻՄ առաջնորդ, ԱԺ ՀՀԿ խմբակցության պատգամավոր Հայկ Բաբուխանյանը: Նա միֆ է համարում այն տեսակետերը, թե ընտրությունները մրցակցային չէին, ժողովուրդը իբր անտարբեր էր, թե ձևավորվել էր վախի մթնոլորտ:

Հարցին, թե այդ դեպքում ինչու են ՛՛Ազատության՛՛ հրապարակում  մարդիկ իրենց դժգոհությունը հայտնում նախագահական ընտրություններից, պատգամավորը պատասխանեց.

"Դա ժողովրդավարության դրսևորումն է,  մարդիկ ազատ են, դժգոհում են, որ չի ընտրվել իրենց ցանկալի թեկնածուն. ընտրությունների արդյունքը չի որոշում մի քանի հարյուր մարդ, ընտրությունների արդյունքը որոշվում է ԿԸՀ-ի արձանագրություններով: Եթե մի քանի հոգի բողոքում են, դա ոչինչ չի նշանակում: Բացի դա Րաֆֆի Հովհաննիսյանն ընդունել է արդյունքները իր հանձնաժողովների անդամների  ու վստահված անձանց միջոցով":

 

Հայաստանում ունենք ընտրողների տարբեր շերտեր

Այսօր "Տեսակետ" մամուլի ակումբում ՍԻՄ նախագահ ԱԺ ՀՀԿ խմբակցության պատգամավոր Հայկ Բաբուխանյանը ասուլիսի սկզբում մեկ անգամ եւս բոլորին շնորհավորելով փետրվարի 18-ին կայացած նախագահական ընտրությունների առթիվ եւ ամփոփելով այն, պատասխանեց հարցերին.

- Պարոն Բաբուխանյան, Վանաձորում, որտեղ Սերժ Սարգսյանը պարտվեց, Վանաձորի քաղաքապետը դա բնորոշում է, որ մարդիկ անգիտակից են եղել: Դուք է՞լ եք այդպես կարծում, որ միայն անգիտակից մարդիկ կարող են չքվեարկել Սերժ Սարգսյանի օգտին:
- Ես այն կարծիքին եմ, որ Հայաստանում ունենք ընտրողների տարբեր շերտեր: Մի շերտը դա այն մարդիկ են, ովքեր իսկապես ուզում են, որ Հայաստանը գնա Վրաստանի ճանապարհով` դուրս մղի Ռուսաստանն այստեղից, հանի ռուսական բազան, որի տեղը բերի ամերիկացիներին ու թուրքերին եւ հանձնի Արցախը Ադրբեջանին: Այո, կան նման մարդիկ, ովքեր գիտակցաբար թշնամություն են անում Հայաստանի հանդեպ եւ, բնականաբար, իրենք իրենց ձայնը տվել են Րաֆֆի Հովհաննիսյանին, որովհետեւ իր ծրագիրը հենց դա էր, նա չի էլ թաքցնում: Կան մարդիկ, ովքեր ուզում են, որ Հայաստանում այլեւս չլինի ազգային ինքնություն` տարածեն գեյ-ակումբներ, գեյ-շքերթներ անցկացնեն կամ որպեսզի ավանդական ընտանիքներ գոյություն չունենան, որի փոխարեն կարմիր խնձոր են թաղում եւ այլն, որոնք եւս ընտրում են Րաֆֆի Հովհաննիսյանին, ում մեջ տեսնում են իրենց առաջնորդին եւ գնում գիտակցաբար իրենց ձայնը տալու: Եվ կա երրորդ շերտը մարդկանց, ովքեր դառնություն ունեն անարդարությունից, շփվել են ինչ-որ չինովնիկի հետ, ով իրենից կաշառք է պահանջել, կամ իր կյանքը պարզապես չի դասավորվել եւ նա գործազուրկ է, այսինքն` կա դառնություն այս մարդկանց մեջ, որ նրանք, չգիտակցելով, որ իր ձայնը  ինչ գաղափարախոսության է տալիս, ինչպիսի ծրագրի է տալիս, ինչպիսի զարգացման է տալիս, նա տալիս է ընդդեմ իշխանության,  որպեսզի մի բան փոխի իր կյանքում, բայց նույնիսկ այդ դեպքում նա չգիտի, թե ինչ կփոխվի: Շատ անգամ զրուցելով մարդկանց հետ ասում են, որ վիճակը վատ է, ես եւս ընդդունում եմ, որ մեր երկրում սոցիալ-տնտեսական վիճակը վատ է եւ անհրաժեշտ է փոփոխություն...:
- Չե՞ք կարծում, որ Րաֆֆի Հովհաննիսյանին եւս մի քանի ուժեր միանալով կլինի իշխանափոխություն:
- Կարծում եմ, որ Րաֆֆի Հովհաննիսյանին ոչ ոք չի միացել...
- Շիրակում եւս գործող նախագահը պարտվեց: Ձեր կարծիքով, այդ մարդիկ լիբերալ գաղափարներ կրողներ են, թե պարզապես հարցը զուտ սոցիալական է եւ դժգոհ են իշխանությունների վարած քաղաքակնությունից:
- Միացյալ նահանգները, եվրոպական մի շարք երկրներից Հայաստան են ներմուծվում հսկայական գումարներ տարբեր հկ-ների միջոցով, տարբեր աղանդների ու ծրագրերի միջոցով: Դուք չեք տեսնի, որ այդ գումարներով գործարաններ կառուցվեն: Դուք կարող եք հարց տալ, բա ո՞ւր են գնում այդ գումարները, դրանք հսկայական հարյուր միլիոնավոր դոլարներ են: Այդ գումարները
տասնամյակներ շարունակ գնում են այն բազայի ստեղծմանը , որ այդ լիբերալ գաղափարախոսության հենարանն է Հայաստանում: Դա բազմաթիվ հկ-ներն են, որոնք ամեն ինչ անում են, որպեսզի վնաս հասցվի Հայստանի իմիջին,որոնք փորձում են ձվի մեջ մազ գտնել: Դա բազմաթիվ տոտալիտար աղանդներն են, որոնք փորձում են քայքայել հայ ազգի ինքնությունը առաքելական եկեղեցու դեմ գործողություններ են կատարում, փորձում են հայ ազգը պառակտել: Դա տարբեր տիպի կուսակցություններն են, ովքեր ունեն ակնհայտ հակահայկական ծրագրեր, այդ թվում Րաֆֆի Հովհաննիսյանը: Ձեզ մոտ հարց չի առաջանում, երկու ամիս առաջ պարոն Հովհաննիսյանը չուներ 8 մլն գրավ դնելու համար եւ դրամահավաք էր սկսել: Երկու ամիս անց նա ունեցավ այդ ութ միլիոնը, կազմակերպեց ամենաթանկ նախընտրական քարոզարշավը, իսկ այսօր էլ ինֆորմացիա կա, որ մարդկանց ինչ-որ գումարներ է տրամադրում, որպեսզի մարդիկ արտահայտեն որոշակի բողոքներ: Այնպես որ, այդ մարդիկ կան, որոնց թիվը հասնում է 200-250 հազար է, դրանք աղանդավորներն են, իսկ 50 հազարը հկ-ներն են, որոնք ֆինանսավորվում են արեւմուտքից, որոնք վերջին օրը ստացան հրաման: Դուք գիտեք, որ ձայների մի մասը Բագրատյանինն էր, Հայրիկյանինը` ով ազգային լիբերալ է, նրանք ունեին 5ական տոկոս ձայներ եւ եղավ հրաման, որ այդ բոլոր ձայները ուղորդվեն մեկ թեկնածուի եւ այն եղավ տարբեր դեսպանատներից, ովքեր փորձում էին խառնվել մեր ներքին գործընթացներին: Այո, կան նաեւ մարդիկ, ովքեր ասում են, որ ուզում են լինեն գեյ-կլուբներ Հայստանում, բա էլ ում պետք է ձայն տային իրենք, եթե ոչ Րաֆֆի Հովհաննիսյանին:
- Բայց Րաֆֆի Հովհաննիսյանն առաջարկում է գեյ-կլուբնե՞ր բացել:
- Նա  նա գնաց Ծոմակ կոչեցյալ տականքի միասեռականների որջը, որպեսզի աջակցի նրանց ու այն շարունակի գործել ու տարածել այդ ախտը: Իսկ տասը տարի առաջ մենք չէինք կարող պատկերացնել, որ նման թեկնածու կարող ենք ունենալ:

 
Չորեքշաբթի, 26 Դեկտեմբեր 2012 00:00

ԳՐԱՆՏԱԾԻԾՆԵՐՆ ՈՒ ԱՂԱՆԴՆԵՐԸ ՎՏԱՆԳ ԵՆ
Ե°Վ ԱԶԳԱՅԻՆ ԻՆՔՆՈՒԹՅԱՆԸ, Ե°Վ ԺՈՂՈՎՐԴԱՎԱՐՈՒԹՅԱՆԸ



Երեկ ՍԻՄ ՙԱզդակ՚ ակումբի հյուրերն էին ՍԻՄ նախագահ, ԱԺ ՀՀԿ խմբակցության պատգամավոր Հայկ Բաբուխանյանը եւ ՙԼեւ գրուպ՚ իրավաբանական ընկերության տնօրեն Լեւոն Բաղդասարյանը, ովքեր ասուլիս էին հրավիրել ՙԱզգային արժեքների դեմ հարձակումը կանխելու անհրաժեշտությունը՚ թեմայով: Բայց, բնականաբար, անդրադարձ եղավ եւ օրվա ներքաղաքական թեմաներին:

ՙՏԵՍՆԵՍ ԱՅԴ ՈՐ ՍՐԻԿԱՆ ՊԱՏՄԵՑ ԼՏՊ-ԻՆ ԻՐ ՏԱՐԻՔԻ ՄԱՍԻՆ...՚

Ասուլիսին ՍԻՄ նախագահին տվեցին նաեւ ներքաղաքական հարցեր:
- Ինչպես եք վերաբերում Լ. Տեր-Պետրոսյանի չառաջադրմանը:
- Մենք ողջունում ենք ԼՏՊ-ի այդ միակ ճիշտ քայլն իր կյանքում:  Հավանաբար, նա երկու օր առաջ է տեղեկացել, որ 68 տարեկան է, երեւի մինչ այդ չգիտեր ու պատճառաբանելով իր տարիքը այսօր որոշեց չառաջադրվել: Չգիտեմ, ո±ր սրիկան է պատմել Տեր-Պետրոսյանին, որ նա 68 տարեկան է, թե չէ մինչ այդ ուզում էր առաջադրվել: Բայց ողջունում եմ իր այդ քայլը եւ այն, ինչ պետք է տեղի ունենար` տեղի ունեցավ: Նա երբեք էլ մտահոգված չէր ազգի հոգսերով ու հասցրեց ՙՄարտի մեկ՚ սարքել, եվրոպական ատյաններում խնդիրը բորբոքել, որպեսզի Հայաստան պետությանը վնաս հասցվի: Իսկ հիմա ՀԱԿ-ը խոստովանեց, որ ՙՄարտի մեկը՚ իրենց համար առեւտրի մի գործոն էր: ԼՏՊ-ն քանդեց ՀԱԿ-ը. վերջին շրջանում տեսնում էինք, թե ինչպես էր ՀԱԿ-ը մեկ բանակցում ԲՀԿ-ի հետ, մեկ` իշխանությունների եւ այլն, իսկ ո±րն էր նպատակը ընդամենը յոթ մանդա±տ:
- Հնչում են կարծիքներ այն մասին, որ հիմա Սերժ Սարգսյանի գործը հեշտացավ, քանի որ մրցակիցներ չունի: Դուք համամի±տ եք այս կարծիքի հետ:
- Պարոն նախագահի գործը շատ ծանր է, որովհետեւ մենք ունենք բազում չլուծված խնդիրներ` տնտեսության, սոցիալական ոլորտում եւ արտաքին մարտահրավերների հարցում: Իսկ եթե խոսքը վերաբերում է ընտրություններին, ապա երկրի նախագահի գործն ի սկզբանե շատ հեշտ էր, որովհետեւ կառաջադրվեր, թե չէր առաջադրվի ԼՏՊ-ն առանձնապես բան չէր փոխվելու եւ հենց իրենք իրենց լավագույն պատկերացումներում, հանձինս` ՀԱԿ համակարգող Լեւով Զուրաբյանի, ունեն ընդամենը 7-10 տոկոս ձայն: Լուրջ սոցիոլոգիական ուսումնասիրությունները եւս ցույց տվեցին, որ նրանք կստանային մաքսիմում 5 տոկոս ձայն: Այս առումով ԼՏՊ-ն ոչ միայն նոր իմացավ, որ 68 տարեկան է, այլ իմացավ իր իրական ձայների մասին:
- Ինչպե±ս եք վերաբերում Հրանտ Բագրատյանի առաջադրմանը:
- Բոլորը իրավական տեսակետից հավասար մրցակիցներ են այս դաշտում` այդ թվում նաեւ էպոսագետը: Իսկ երբ խոսում ենք ռեալ իրավիճակից, ապա մեր ժողովուրդը իր ապագան չի կարող վստահել մարդկանց, ում աշխատանքն արդեն տեսել եւ զգացել է սեփական մաշկի վրա: Իսկ Բագրատյանը պարզապես քայքայեց Հայաստանի տնտեսությունը, ամեն ինչ մասնավորեցրեց, թոշակառուներին ու մանկավարժներին տալիս էր 3.000 դրամ, իսկ ՙէգ ու որձ կովերին՚ էլ չէր տարբերում, ինչը ծիծաղելի է: Այս ամենը տեսնելով` ժողովուրդը չի կարող գնալ եւ ընտրել երկրի ղեկավար մեկին, ով իրենց տառապանքների է դատապարտել: Ես վերջերս եմ վերադարձել Բելառուսից, որտեղ ոչ մի ձեռնարկություն չի փակվել խորհրդային տարիներից հետո եւ ոչ էլ սեփականաշնորհվել է: Իսկ Հայաստանում գրեթե ոչ մի ձեռնարկություն չի մնացել, որն էլ իրականացվել է Հրանտ Բագրատյանի շնորհիվ: Այնպես որ, նման վայ-տնտեսագետներին մենք գիտենք ու լավ ենք ճանաչում, իսկ մեր ժողովուրդը վստահ եմ, որ չի ցանկանում ապրել 1994-96 թվականների նման:

ՙԿԱՆ ԴԱՏԱՎՈՐՆԵՐ, ՈՎՔԵՐ ՉԵՆ ՊԱՇՏՊԱՆՈՒՄ ՄԵՐ ԵՐԿՐԻ
ԱԶԳԱՅԻՆ ԻՄՈՒՆԻՏԵՏԸ՚

Իսկ ասուլիսի բուն թեմայով ՍԻՄ նախագահը նշեց, որ այն թեման, որին նվիրված է ասուլիսը, ամբողջ տարվա ընթացքում կուսակցության համար եղել է հրատապ եւ կարեւորագույն.
- Մենք տեսնում ենք, որ ՀՀ-ում ազգային արժեքները, մեր ինքնության խնդիրները վտանգված են, որը կատարվում է միտումնավոր, որպեսզի քայքայեն մեր հասարակությունը: Այդ քայքայման պրոցեսը կատարվում է մի քանի ուղղություններով. մի ուղղությունը դա աղանդներն են, որոնք ամեն ինչ անում են, որպեսզի հայ ազգին շեղեն ավանդական կրոնական ուղղվածությունից` Հայ առաքելական եկեղեցուց: Յուրաքանչյուր աղանդ քարոզում է այնպիսի արժեքներ, որոնք խորթ են մեզ համար: Դրանցից մեկը ՙԿյանքի խոսք՚ աղանդն է, որը կառավարվելով դրսից` ուղղակիորեն հարձակումներ է գործում հայոց եկեղեցու վրա: Հաջորդ քայքայիչ ուղղությունը մեր երկրում գործող որոշ Հ/Կ-ներն են, որոնք զբաղված են անառակության տարածմամբ: Նման Հ/Կ-ներ մեր երկրում մոտ 20-ն են, եւ ամենաակտիվներից մեկը դա ՙԿանանց ռեսուրսային՚ կենտրոն Հ/Կ-ն է, որը զբաղված է ՀՀ-ում այլասերություն տարածելով, քարոզելով միասեռականություն, անբարոյականություն: Իսկ սա, ըստ մեզ, ունի մեկ նպատակ` քանդել, ոչնչացնել հայ ընտանիքը, որը հազարամյակներ կանգուն է եղել իր իսկ ավանդույթների շնորհիվ: Պետք է շեշտակիորեն նշեմ, որ ՀՀ նախագահը առանձնահատուկ ուշադրությամբ  է հետեւում ազգային ինքնության պահպանման խնդիրներին, եւ ինչպես նա է նշել իր խոսքում, Հայաստանում պետք է լինի ավանդական, պահպանողական ընտանիք եւ հայկականության ձգողությունը կարեւոր է այնքանով, որ այդ ամենն է պահում մեզ մեր երկրում: Ցավոք սրտի, մենք ականատեսն ենք, որ վերը նշված քայքայիչ կազմակերպությունները անընդհատ հարձակումներ են գործում ազգային արժեքների պահպանողների դեմ, ովքեր փորձում են նրանց դեմն առնել, որոնցից են ՍԻՄ կուսակցությունը եւ ՙԻրավունք՚ թերթը: Այդ քայքայիչ կառույցները գործում են համաձայնեցված, անընդհատ, հետեւողականորեն եւ փորձում են շեղել մեզ մեր քաղաքական գծից, գաղափարախոսությունից եւ նույնիսկ, փորձում են մեզ վախեցնել եւ դա նույնիսկ չեն էլ թաքցնում ասելով, որ պետք է այնպես անենք, որ Հայաստանում բոլորը վախենան խոսել կամ քննադատել մեզ: Վախեցնում են ունենալով փող, աջակցություն Արեւմուտքից: Իսկ Արեւմուտքը մեր երկիր  դասական արժեքներ չի ներմուծում: Նույն Եվրոպան ունի քրիստոնեական մշակույթի դասական արժեքներ` դասական երաժշտություն, կերպարվեստ, ունի Շեքսպիր, Շիլլեր եւ այլն: Բայց, ցավոք, մեր երկիր է բերվում ֆիլմեր հոմոսեքսուալիզմի մասին, բերում են ներկայացում, որը կոչվում է ՙՀեշտոցի մենախոսություն՚, որը պարզապես խայտառակություն է: Նույն ձեւով կարելի է նաեւ պոռնո ֆիլմեր ցուցադրել. եթե կարելի է հոմոսեքսուալիստների մասին ֆիլմ ցուցադրել, ապա ինչո±ւ չցուցադրել այլ սեռական բնույթի ֆիլմեր: Իսկ սա մեր ազգի, մեր կրոնի, հավատքի, ավանդույթի, ընտանիքների, երեխաների հանդեպ կազմակերպված դիվերսիա է, որի թիկունքում կանգնած են արեւմտյան որոշ հատուկ ծառայություններ, եւ արեւմտյան որոշ դեսպաններ քաջալերում են այդ ամենը:
ՍԻՄ նախագահը, ազգային իմունիտետի պահպանման խնդրի հետ կապված, ասուլիսին մեկ այլ հրատապ հարց եւս բարձրացրեց, որը կապված է ՀՀ աշխատանքի եւ սոցիալական ապահովության նախարարության հետ:
- Վերջին շրջանում Սոցապ նախարարությունն ընկել է մեր երեխաների եւ ծննդկանների հետեւից: Երեխան դեռ չծնված ստուգում են` ծննդկանը աշխատո±ւմ է, թե ոչ` պահանջելով տասնյակ փաստաթղթեր, երեխայի ծնվելուց հետո կրկին տասնյակ փաստաթղթեր, որպեսզի համոզվեն երեխան ծնվե±ց, թե ոչ, որպեսզի պարզեն տա±լ այդ խղճուկ 18.000 դրամ նպաստը, թե ոչ, այն տալուց մի վեց ամիս անց ստուգում են  արդյոք այդ երեխայի ծնողն աշխատո±ւմ է, եթե այո, ապա կտրում են նպաստից ընդհանրապես: Սա եւս ազգային անվտանգության խնդիր է, որի մասին մենք բարձրաձայնելու ենք:

ՙԿԱՐԾԻՔ ՀԱՅՏՆԵԼՈՒ ՀԱՄԱՐ ՉԻ ԿԱՐԵԼԻ ԴԱՏԵԼ ԼՐԱԳՐՈՂԻՆ՚

Ինչ վերաբերում է վերը նշված քայքայիչ կազմակերպությունների գործունեության իրավական կողմին, ապա այս առումով ՙԼեւ գրուպ՚ իրավաբանական ընկերության տնօրեն Լեւոն Բաղդասարյանը լրագրողներին փոխանցեց հետեւյալը.
- Ես` որպես իրավաբան, կհայտնեմ իմ տեսակետը կարծիք հայտնելու վերաբերյալ: Ընդհանրապես կարծիք հայտնելու համար Մարդու իրավունքների Եվրոպական դատարանը ունի բազմաթիվ նախադեպային որոշումներ, որտեղ արձանագրված է, որ կարծիք հայտնելու համար մարդուն չի կարելի դատել:
Եթե մեր իրականության մեջ լրագրողը ֆիքսում է, որ այսինչ իշխանության օղակի ոչ ճիշտ քաղաքականության արդյունքում մարդիկ արտագաղթում են, կամ այսինչ Հ/Կ-ի ոչ ճիշտ գործողությունների շնորհիվ տուն է քանդվում` դրա համար մարդուն չեն դատում: Ես բերեմ Եվրոպական դատարանից մի տիպիկ օրինակ. ՙՄարդու իրավունքների Եվրոպական դատարանը տարիներ առաջ կայացրել է իր նախադեպային հետեւյալ որոշումը: Լրագրողը դատապարտվել էր վիրավորանք հասցնելու համար. մի քաղաքական գործչի ելույթը մեկնաբանող մի հոդվածում վերջինիս հիմար էր անվանել: Իսկ Եվրոպական դատարանը արձանագրել է հետեւյալը, որ, ըստ այդ դատարանի խնդրո առարկա  ելույթի, նպատակը ակնհայտորեն սադրելն էր եւ այդկերպ բուռն արձագանքներ առաջացնելը: Հետեւաբար, լրագրողի դատապարտումը համարվում է 10-րդ հոդվածի խախտում՚:
Այսինքն` ՙԻրավունք՚ թերթի լրագրողը, տվյալ դեպքում գտնում է, որ ՙԿանանց ռեսուրսների կենտրոնը՚ իր գործողություններով, այն է` կարմիր խնձորի թաղումը ՙկազմակերպելով՚, ՙՀեշտոցի մենախոսություն՚ ներկայացումը բեմադրելով, քանդում է հայկական ընտանիքը: Սա ընդամենը լրագրողի եւ մեր հասարակության մեջ գտնվող շատ մարդկանց կարծիքներն են: Ես հարգում եմ ժամանակակից գործառույթներ, բայց նման դեպքում հայ ավանդական կերպը պետք է մնա այնքանով, որքանով պետք է մնա: Իսկ տվյալ դեպքում, դատում են ոչ միայն լրագրողին, այլ մի կազմակերպության, որը գոյություն չունի մի քանի տարի: Եզրափակելով խոսքս պետք է ասեմ, որ այս գործը իրավաչափ չէ եւ դրա համար օրենքով սահմանված կարգով դիմել ենք ՀՀ վերաքննիչ դատարան:
Ինչ վերաբերում է ՙԿյանքի խոսք՚ աղանդին, ապա դրա հետ կապված գործը գտնվում է ՀՀ վճռաբեկ դատարանում, իսկ նախորդ երկու դատարանները կայացնելով իրենց որոշումը գտել են, որ կարծիք հայտնելու համար չեն դատում լրագրողին:

ԱՐՄԵՆՈՒՀԻ ՀԱԿՈԲՅԱՆ

 

Առաջին անգամ իշխանությունները ներողություն խնդրեցին իրենց թիմակցի պահվածքի համար

«Երկու անձերի միջև վիճաբանությունը պետք չէ տարածել ժողովրդի ապահովության զգացողության վրա»,- այսօր լրագրողների հետ հանդիպման ժամանակ անդրադառնալով ԱԺ ՀՀԿ խմբակցության պատգամավոր Մհեր Սեդրակյանի և Ա1+ կայքի լրագրող Մհեր Արշակյանի միջև տեղի ունեցած միջադեպին և այն դիտարկմանը, թե որքանո՞վ է դա համահունչ ՀՀ նախագահի հնչեցրած «Դեպի ապահով Հայաստան» կարգախոսին, նշեց ՍԻՄ նախագահ Հայկ Բաբուխանյանը:

Վերջինիս դիտարկմամբ, երկրի ապահովությունը ոչ թե նման դեպքերով ու դեմքերով է պայմանավորված, այլ արտաքին աշխարհում մեր անվտանգության ու ինքնիշխանության երաշխիքների, իսկ ներքին քաղաքականութան մեջ՝ քրեական իրավիճակի նվազեցման, տնտեսական կայունության և օրենքի գերակայության հետ:

«Այդ բոլոր խնդիրները արծարծված են երկրի նախագահի ծրագրային ելույթում: Իսկ դրանից առաջ այդ ուղղությամբ կատարվել են բազմաթիվ գործողություններ իրավական հարթությունում, կոռուպցիայի դեմ պայքարում, երբ բազմաթիվ պաշտոնյաներ այսօր գտնվում են ճաղերի ետևում հենց կոռուպցիայի պատճառով, ինչը նախկինում չի եղել, և այլն: Իհարկե նման դեպքեր ու տգեղ պահվածք կարող են լինել, բայց դրանով չի պայմանավորված մեր երկրի ապագան»,- ասաց Հ. Բաբուխանյանը:

Հարցին, թե սեփական կուսակցի նման վարքագծի համար Հանրապետական կուսակցությունը պատասխանատվություն չի՞ կրում՝ Հ. Բաբուխանյանը հակադարձեց, որ ՀՀԿ խմբակցության ղեկավարությունը ներողություն է խնդրել այդ միջադեպի համար:

«Խնդրել են ներողություն, ինչը մինչ այդ չի եղել: Սա առաջին դեպքն է, որ երկրի իշխանությունները պատասխանատվություն վերցրեցին և ներողություն խնդրեցին իրենց թիմակցի այդ պահվածքի համար: Պետք է նշել, որ կան լոկալ տգեղ դեպքեր և կա ընդհանուր միտում: Իսկ ընդհանուր միտումն այն է, որ կա հարգանք լրագրողների, ազատ խոսքի և մամուլի հանդեպ»,- եզրափակեց Հայկ Բաբուխանյանը:

 

Կարողացանք պահպանել խաղաղությունը մեր սահմաններում, ԼՂՀ անվտանգությունը:

Այսօր «Տեսակետ» ակումբում ՍԻՄ նախագահ, ԱԺ պատգամավոր Հայկ Բաբուխանյանը տարին ամփոփելիս հարցին, թե Ղարաբաղյան հարցի հետ կապված այս տարի ի՞նչ առաջընթաց գրանցվեց` պատասխանեց. «Մենք կարողացանք պահպանել նախ խաղաղությունը մեր սահմաններում, ԼՂՀ անվտանգությունը, ինչը որ շատ կարեւոր է, կարողացանք ներկայացնել աշխարհին մեր իրավունքները: Բելառուսի նախագահի` Ալեկսանդր Լուկաշենկոյի հետ վերջին հանդիպմանըը երբ իրեն հարց տվեցի, թե ինքն ինչպես է տեսնում ԼՂՀ-ի ապագան, նա շատ հստակ եւ ցուցիչ մի բան ասաց` Ադրբեջանը երբեք չի գրավի ԼՂՀ-ն եւ միջանցքը` աշխարհը փոխվել է: Այսինքն` նա արդեն իսկ իր խոսքում ԼՂՀ-ն դուրս դնելով Ադրբեջանից, այն ընկալում է, որպես ինքնուրույն միավոր: Թեեւ նա տեղյակ է, որ Ադրբեջանը ցանկություն ունի գրավելու, զավթելու ԼՂՀ-ն, բայց աշխարհը փոխվել է եւ դա չի լինի»:

Ըստ Հայկ Բաբուխանյանի, երկրների ղեկավարների գիտակցության մեջ, քաղաքական գործիչների եւ մամուլի համար  արդեն ապացուցվել է, որ Ղարաբաղն անկախ, կայացած պետություն է. «Երեկ  ՀՀ նախագահը Մոսկվայում հնչեցրեց, որ Ադրբեջանն իր ռասիստական տրամադրվածությամբ սպառնալիք է Հայաստանի, հայ ժողովրդի, ամբողջ տարածաշրջանի համար: Սաֆարովի դեպքը ցույց է տալիս, որ Թուրքիայի, Ադրբեջանի մտածելակերպը ցեղասպանաստեղծ է եւ ցանկացած պահի, երբ նրանք կտեսնեն, որ Հայաստանը թուլացել է, կշարունակեն իրենց ցեղասպան գործունեությունը: Այստեղ մենք պետք է լավ հասկանանք, թե ում հետ, ինչպես պետք է բարեկամություն անենք»:

 

Հ. Բաբուխանյան. ՀՀ նախագահ Սերժ Սարգսյանն այսօր չունի մրցակից

«Այս տարվա դեկտեմբերի 28-ին ՍԻՄ կուսակցությունը հրավիրելու է խորհրդի նիստ, որի ընթացքում պաշտպանելու է Սերժ Սարգսյանի թեկնածությունը ՀՀ նախագահի ընտրություններում»,- այսօր լրագրողների հետ հանդիպման ժամանակ անդրադառնալով գալիք նախագահական ընտրություններին, նշեց ՍԻՄ կուսակցության նախագահ Հայկ Բաբուխանյանը:

Վերջինս պարզաբանեց այդ որոշումը նրանով, որ ՀՀԿ համագումարում նախագահ Սերժ Սարգսյանի ելույթում արձանագրված երկրի արտաքին և ներքին քաղաքականության զարգացման ուղղությունները ամբողջությամբ համահունչ են ՍԻՄ կուսակցության քաղաքական գծին:

«Պետք է գիտակցենք, որ մեր տարածաշրջանը գտնվում է շատ բարդ իրավիճակում, և մեր երկրին պետք է փորձառու առաջնորդ, ով ընկալելի է աշխարհի համար և կարողանում է ապահովել կայունությունը թե՛ արտաքին, թե՛ ներքին քաղաքականության մեջ: Եվ երկրի առաջնորդ մենք տեսնում ենք երկրի նախագահին, ով ապացուցել է իր այդ կարողությունները»,- ասաց Հ. Բաբուխանյանը:

ՍԻՄ առաջնորդի կարծիքով, նախագահ Սերժ Սարգսյանը ընտրություններում կհաղթի հենց առաջին փուլում, քանի որ քաղաքական դաշտում երկրի նախագահն այսօր չունի մրցակից:

Անդրադառնալով նախագահական ընտրություններին ընդդիմության մասնակցությանը՝ Հ. Բաբուխանյանը նշեց, որ այսօր ընդդիմությունը գտնվում է թշվառ վիճակում:

«Ընդդիմությունը, ասենք ՀԱԿ-ը, կամ այն, ինչ մնացել է ՀԱԿ-ից, իսկ ՀԱԿ-ից բան չի մնացել. մնացել է Լևոն Տեր-Պետրոսյանը, ով ընդհանրապես չի խոսում, և Լևոն Զուրաբյանը, ով ավել-պակաս խոսում է իր ընկերների հասցեին, լավագույն դեպքում իրենց հնարավորությունները ընտրություններում գնահատում են 10%, և դա հենց իրենք են խոստովանում»,- ընդգծեց Հայկ Բաբուխանյանը:

 

Բաբուխանյան. Մարդասիրական կապերը դեռ պահպանվել են, սակայն դրանք պետք է ամրապնդել

ԵՐԵՎԱՆ, 14 դեկտեմբերի. /ԱՌԿԱ/. Եվրոպայում և եվրասիական տարածքում ինտեգրացիոն գործընթացներն անմիջականորեն անդրադառնում են Հայաստանի վրա: Պե՞տք է, արդյոք, Հայաստանն ընտրություն կատարի Եվրոպայի և Եվրասիայի միջև: Եվ արդյո՞ք այսօր ԱՊՀ երկրները շահագրգռված են նախկին մարդասիրական կապերի պահպանմամբ: Իր կարծիքը Մինսկում անցկացված Եվրոպական և ասիական յոթերորդ մեդիաֆորումի ընթացքում ներկայացրել է հայտնի քաղաքական գործիչ, «Սահմանադրական իրավունք միություն» կուսակցության առաջնորդ, Հայաստանի ԱԺ նախագահ Հայկ Բաբուխանյանը:

- Պարոն Բաբուխանյան, մենք գիտենք, որ այսօր Հայաստանում ակտիվորեն քննարկվում են երկրի արտաքին քաղաքականության հնարավոր՝ եվրոպական և եվրասիական ուղղություններին առնչվող հարցերը: Ինչպե՞ս եք կարծում` դրանք փոխբացառո՞ղ, թե՞ փոխլրացնող գործընթացներ են:

— Կարծում եմ, որ ընդհանուր եվրասիական տարածքի գործընթացները պետք է փոխադարձաբար լրացնեն միմյանց: Այսինքն, Եվրասիայում պետք է լինի ընդհանուր տարածք, ընդհանուր ենթակառուցվածքներ, ապրանքների, ծառայությունների հոսք: Չի կարող մայրցամաքի մի մասը սպասարկել մյուս մասի զարգացումը: Բայց, ցավոք, այսօր մենք տեսնում ենք որոշ օրինակներ, երբ ամրապնդվում են բաժանարար գծերը, երբ այդ տարածքում գործում է, օրինակ, Թուրքիան իր նեոօսմանյան պահանջներով, տեսնում ենք, որ ՀՕՊ-ը, չգիտես ինչու, տեղակայվում է այնտեղ, որտեղ չպետք է տեղակայվի։ Այդ պատճառով մինչև ողջ մայրցամաքի միավորման գնալը մենք պետք է միավորվենք այն երկրների հետ, որոնք իրենց դիրքորոշմամբ, ինքնությամբ, մտածելակերպով և արժեքներով առավել մոտ են մեզ։

Նկատի ունեմ, որ եվրասիական գաղափարն այն իմաստով, որով արտահայտվել է Ռուսաստանի նախագահ Վլադիմիր Պուտինը, Հայաստանի համար տվյալ պահին ամենահարմարն է: Մենք պետք է ոչ միայն ակտիվորեն ներգրավվենք այդ գաղափարի մեջ, այլ նաև լինենք առաջնային գծում, լինենք մի պետություն, որը կզարգացնի այդ գաղափարը և ազդակներ կհաղորդի դրան: Այդ առումով աշխատելու բան կա:
Երբ Եվրասիական միությունը դառնա հզոր մակրոաշխարհաքաղաքական կառույց, այն ժամանակ, հավանաբար, մեզ համար ավելի դյուրին լինի փոխգործակցել Եվրամիության հետ, ավելի դյուրին դառնա ընդհանուր մայրցամաքային տարածքի  ստեղծումը:

- Որքանո՞վ են ընդհանուր առմամբ եվրասիական ինտեգրման գաղափարները հեռանկարային: Ի՞նչ տնտեսական շահ դա կարող է ունենալ Հայաստանի համար:

— Այս գաղափարները միանգամայն հեռանկարային են: Մենք տեսնում ենք, որ ամբողջ աշխարհում Խորհրդային Միության փլուզումից հետո մակրոաշխարհաքաղաքական կառույցներ են առաջանում՝ լինի դա Հարավային Ամերիկայում, արաբական երկրներում, հարավարևելյան Ասիայում և այլն: Այդ պատճառով ինտեգրումը հենց ԱՊՀ մասով, կարծում եմ, կընդլայնվի: Իսկ տնտեսական առումով, բնական է, որ Հայաստանը մեծ շուկաների, աշխատանքի որոշակի բաժանման կարիք ունի:

Իմ կարծիքով` Հայաստանի համար դա շահավետ է հենց տնտեսության տեսանկյունից, քանի որ կա ընդհանուր տեխնոլոգիական բազա, որը մնացել է Խորհրդային Միության ժամանակներից: Այն պարզապես անհրաժեշտ է զարգացնել և լրացնել: Կան ենթակառուցվածքներ, որոնք այն ժամանակ գործարկվել են, դրանք պետք է վերականգնել, կա շատ կարևոր լեզվական ընդհանրություն, իսկ ամենակարևորը՝ դա մեծ շուկան է:

- Արդյոք հեռանկարայի՞ն եք համարում ընդհանուր մեդիատարածքի ստեղծման գաղափարն ԱՊՀ-ում:

— Կարծում եմ, որ մեդիատարածքը պետք է փոխլրացնող լինի: Այսինքն, մենք պետք է իմանանք, կարդանք, լսենք միմյանց մասին հավաստի տեղեկատվություն: Դրանում էլ հենց կայանում է միասնական տեղեկատվական տարածքը: Մենք պետք է ձգտենք դրան, կամուրջներ գտնենք, որոնք կօգնեին տալ հավաստի, ազնիվ տեղեկատվություն յուրաքանչյուր երկրի մասին: Այդ առումով, իհարկե, միասնական տեղեկատվական տարածք պետք է, քանի որ մեզ մոտ մարդիկ հաճախ խեղաթյուրված պատկերացումներ ունեն, օրինակ, Ղազախստանի կամ Ռուսաստանի մասին: Եվ, հակառակը, Ռուսաստանի մարզերում միանգամայն աղավաղված պատկերացումներ ունեն Հայաստանի, հայ ժողովրդի, մշակույթի մասին՝ հաճախ հիմնվելով «կովկասյան ազգության անձանց» մասին ընդհանրացված և լղոզված փոքր հոդվածների վրա:

Այդ իսկ պատճառով միասնական տեղեկատվական տարածքն այն տեսքով, որով ես այն պատկերացնում եմ, անհրաժեշտ է: Այսօր տեխնոլոգիաները թույլ են տալիս բավականին դյուրին դա անել: Միայն կամք ու ջանք է անհրաժեշտ:

- Ինչպե՞ս եք կարծում, կարելի՞ է ասել, որ հետխորհրդային տարածքի երկրներին հաջողվել է պահպանել գոյություն ունեցող մարդասիրական կապերը: Ի՞նչ քայլեր է անհրաժեշտ ձեռնարկել դրանց ամրապնդման համար:

— Կարծում եմ, որ որոշ մարդասիրական կապեր, անշուշտ, պահպանվել են: Դրանք մշակութային կապերն են, ազգային համայնքների կապերը, գիտությունն ու կրթությունը, սպորտը, հետաքրքիր երիտասարդական ծրագրերը: Իհարկե, դա բավարար չէ: Մեզ պետք են ավելի լավ արդյունքներ: Այդ ուղղությամբ պետք է աշխատել:

Կցանկանայի նշել, որ օրերս ընտրվել եմ ԱՊՀ Միջխորհրդարանական վեհաժողովի  գիտության և կրթության հանձնաժողովի նախագահի տեղակալ, և ես կաշխատեմ այդ դիրքերից նույնպես խորացնել ինտեգրացիոն գործընթացները մարդասիրական քաղաքականության բնագավառում:

РИА Новости

 


 
Ուրբաթ, 12 Հոկտեմբեր 2012 00:00

ՀԱՅԱՍՏԱՆԻ ՆԿԱՏՄԱՄԲ ՃՆՇՈՒՄՆԵՐԸ ՙՆԱՐՆՋԱԳՈՒՅՆ՚ ԻՇԽԱՆԱՓՈԽՈՒԹՅՈՒՆ ԻՐԱԿԱՆԱՑՆԵԼՈՒ ՄԻՏՈՒՄ ՈՒՆԵՆ

 

Օրերս ՙՓաստարկ՚ ակումբում տեղի ունեցավ մամուլի ասուլիս, որտեղ ներքաղաքական վերջին զարգացումները ներկայացրեց ՙՍահմանադրական իրավունք միության՚ (ՍԻՄ) ղեկավար, ԱԺ պատգամավոր ՀԱՅԿ ԲԱԲՈՒԽԱՆՅԱՆԸ:
-Վերջին 20 տարիների ընթացքում ԱՊՀ տարածքում անընդհատ փորձեր են իրականացվում իշխանության բերել ՙնարնջագույն՚ ռեժիմներ եւ այդ ռեժիմների միջոցով այս կամ այն երկիրը տանել այնպիսի քաղաքական կուրսով, որը ձեռնտու է արեւմտյան այս կամ այն ուժին կամ պետությանը: Եվ այս առումով Հայաստանը գտնվում է շատ կարեւոր աշխարհաքաղաքական առանցքի մեջ (ՌԴ-ՀՀ-Իրան-Սիրիա), որը շատ ավելի մեծ նշանակություն ունի, քան, ասենք, Միջինասիական որեւէ երկիր: Հայաստանի նկատմամբ անընդհատ գործադրվում են այնպիսի ճնշումներ, որ իրականացվի իշխանափոխություն եւ հաստատվի ՙնարնջագույն՚ ռեժիմ: 2008թ. ՙնարնջագույն՚ հեղաշրջումը, որը փորձեցին իրականացնել ընտրությունների առիթով, տապալվեց մարտի 1-ին:Այն ժամանակ հիմնական դերակատար էր ընտրված Լեւոն Տեր-Պետրոսյանը: Հիմա նորից է եկել պահը այդ ճգնաժամային իրավիճակը արհեստականորեն ստեղծելու համար, որովհետեւ մոտենում են ընտրությունները, եւ այն ուժերը, որոնք Հայաստանում երազում են իրականացնել ՙնարնջագույն՚ հեղաշրջում, ակտիվացել են: Այդ ուժերը ակտիվանալով ընտրում են իրենց համար նոր դերակատար, որովհետեւ հին դերակատարը` Լեւոն Տեր-Պետրոսյանը, իսպառ դուրս է եկել քաղաքական լուրջ գործընթացներից: ՀԱԿ-ն այլեւս ի վիճակի չէ առաջատար դերակատարություն ունենալ այս գործում: Մնացած արեւմտամետ ուժերը, որոնց ամերիկացիները երկար ժամանակ աճեցնում էին, փորձում էին կոմբինացիաներ ստեղծել, օրինակ` ինչպես Րաֆֆին եւ ՙԱզատ դեմոկրատները՚ ցույց տվեցին, որ կենսունակ չեն: Րաֆֆին չորս հոգու չի կարողանում կառավարել, ուր մնաց նրան վստահեին այդ դերը: Եվ այս առումով նրանց պետք էր գտնել նոր դերակատար, որը ի հայտ եկավ Օսկանյանի դեմքով, որը եւ ամերիկացիների համար խոստացավ ժամանակին իրականացնել ՙլիբիական՚ տարբերակ: Այսինքն` քաղաքացիական պատերազմի միջոցով եւ ՆԱՏՕ-ի ռազմական աջակցությամբ իշխանափոխություն իրականացնել, եւ այնպիսի քաղաքական ռեժիմ հաստատել, որը կարող են հօգուտ իրենց ծառայեցնել: Այստեղ կամակատար ընտրելու հարցում համընկան երկու ուժերի շահերը` արտաքին ուժերի, ովքեր ցանկանում են ունենալ կամակատար ռեժիմ Հայաստանում, եւ ներսում` Ռոբերտ Քոչարյանի ցանկությունը, ով ցանկություն ուներ վերադառնալ քաղաքականություն: Այդ երկու ուժերի ցանկությունները հատվեցին Օսկանյանի ֆիգուրի վրա: Իսկ Վարդան Օսկանյանի փողերի պատմությունն, սկսվեց 1999թ նոյեմբերի 4-ից, երբ Ռոբերտ Քոչարյանը ստորագրեց օրենք, եւ դրա հիման վրա մորմոն Հանթսմանը սեփականաշնորհեց երկաթբետոնի գործարանը, որն, ըստ էության, նվիրատվություն էր, քանի որ տրամադրվեց ընդամենը 1 դոլարով: Այսինքն` Հանթսմանին տվեց այն գործարանը, որն այսօր բերեց Օսկանյանին 2 մլն դոլար: Այսինքն` ես կարող եմ ենթադրել, որ գործարանը եւ այդ փողերը, իրականում, Ռոբերտ Քոչարյանի փողերն են, իսկ այդ խոսակցությունները, որ դրանք տրվում էին ՙՍիվիլիթաս՚-ին բարեգործության նպատակով կամ քաղաքացիական հասարակություն ստեղծելու նպատակով, մաքուր ծխածածկույթ են : Իրականում գումարները տրվել է Ռոբերտ Քոչարյանի կադր Օսկանյանին` քաղաքական նպատակներով: Այդ քաղաքական նպատակների մասին Օսկանյանը ասել է ս. թ. ապրիլի 22-ին Մալաթիա-Սեբաստիա համայնքում ելույթ ունենալու ժամանակ, որտեղ նա ասել է, որ Հայաստանում պետք է իրականացնել իշխանափոխության ՙլիբիական՚ տարբերակ: Այն ժամանակ առաջարկեցի Վարդան Օսկանյանին ուղիղ եթերում բանավեճ, սակայն նա խուսափեց, այսօր եւս նրան առաջարկում եմ բանավեճ այս բոլոր հարցերի շուրջ հենց ՙՓաստարկ՚ ակումբում:

- Ձեր բնորոշմամբ, նախընտրական մթնոլորտը որքանո±վ է ցուցադրում, որ հետագա պրոցեսները կշարունակվեն առանց ավելորդ ցնցումների:
- Ամբողջ աշխարհն է ցնցվում: Մենք գտնվում են անկայունության եւ ցնցման տարածաշրջանի կիզակետում: Հայաստանի համար պայքարը գնում է շատ լուրջ: Այն ճանապարհը, որ ընտրել է Հայաստանը, այսինքն` սերտ ռազմավարական համագործակցութուն Ռուսաստանի հետ եւ ՀԱՊԿ-ին անդամագրություն, ոմանց դուր չի գալիս: Այդտեղից էլ ենթադրվում են տարբեր տեսակի ցնցումներ, անկայունություններ:
- Ի±նչ եք կարծում, հիմա որպես այլընտրանք հանդես եկող ՙԲարգավաճ Հայաստան՚ կուսակցությունը կվերադառնա± գործընկերային կոալիցիոն հարթություն:
- Դա ամենաճիշտ ճանապարհն է, որպեսզի գործընկերային փոխհարաբերություններ լինեն եւ այդ հարաբերությունները ուղղված լինեն մեր երկրի զարգացմանը, տնտեսության բարելավմանը եւ առաջին հերթին` անվտանգության ապահովմանը: Օսկանյանի հարցում շատ տարօրինակ իրավիճակում է հայտնվել ԲՀԿ-ն, որտեղ նկատվում է` ՙեթե մերոնքական է, ապա բոլոր դեպքերում պետք է պաշտպանենք՚ սկզբունքը, սակայն Վարդան Օսկանյանի ստաժը ԲՀԿ-ում մի քանի ամսական է:
- Փաստն այն է, որ որոշ թեկնածուներ հայտարարել են գալիք նախագահական ընտրություններին մասնակցելու վերաբերյալ: Ի±նչ եք կարծում, այս անգամ ընդդիմությունը հանդես կգա± միասնական թեկնածուով:
- Ընդդիմությունը ի վիճակի չէ հանդես գալ միասնական թեկնածուով: Ամբիցիաները շատ են: Բացի դրանից, այդ թեկնածուները հասկանում են, որ ոչ մեկ չի կարող ինչ-որ չափով հասնել հաջողության: Հետեւաբար, նրանց խնդիրը ոչ թե ընտրվելն է, այլ խնդիրն իրենց ներկայացնելն է, պահից օգտվելը եւ հանդես գալը` քաղաքական դաշտում ուշադրություն իրենց վրա գրավելու համար: Եթե խնդիրը դա է եւ ոչ ավել, հետեւաբար չկա միասնության համար անհրաժեշտ բազան, եւ նրանք հանդես կգան առանձին-առանձին:
- ԱՄՆ դեսպանը Հայաստանում գրեթե բացահայտ իր համակրանքը հայտնեց որոշ քաղաքական գործիչների գործողությունների նկատմամբ: Ի±նչ կնշանակի սա, երբ այլ երկրի, թեկուզ գերտերության դեսպանը, գրեթե բացահայտ տեքստով իր համակրանքն է հայտնում որեւէ քաղաքական ուժի կամ գործչի նկատմամբ:
- Այն, որ ԱՄՆ դեսպանը բացահայտ եւ անթաքույց խառնվում է Հայաստանի ներքին գործերին, խառնվում է քննչական գործերի մեջ, ճնշում է գործադրում քննության վրա եւ պաշտպանում է կոնկրետ անձնավորության, ցույց է տալիս, որ արեւմտյան խաղադրույքները հավանական է, որ դրվեն հենց ՙՕսկանյան՚ օպերացիայի վրա: Այլ բան է, որ Հայաստանում կարծես ընկալելի է դառնում, երբ այլ պետությունը ֆինանսավորում է կոնկրետ քաղաքական գործչին, եւ հանդիսանում է նրա համար քաղաքական-դիվանագիտական տանիք: Մեր կուսակցությունը, այս առումով, առաջարկում էր շտապ ընդունել օրենք օտարերկրյա գործակալների վերաբերյալ, որովհետեւ մեր ազգային անվտանգությունը եւ Հայաստանի սուվերենությունը, ըստ էության, ակնհայտ է, որ գտնվում է հարվածների եւ վտանգների տակ:
- Արդյոք նույնքան մտահոգիչ ու անընդունելի± չպետք է լինի ՙԳրին քարտի՚ խաղարկությունը, ինչպես ՙՀայրենակիցներ՚ ծրագիրը:
- Հայաստանում իրականացվող ամերիկյան ՙԳրին քարտի՚ ծրագիրը շատ ավելի վտանգավոր է, քան ռուսական ՙՀայրենակիցները՚, եւ պետք է դադարեցվի: Բացի դրանից, այդ ծրագրերի նպատակները բավականին տարբեր են: Նախ` չափերով եթե վերցնենք, ՙԳրին քարտով՚ Հայաստանից գնացել է 10 անգամ շատ ավելի մարդ, քան թե ՙՀայրենակիցներով՚: Բացի դրանից, ՙՀայրենակիցներն՚ ասում է` մենք ստեղծում ենք պայմաններ, եւ գնում են մարդիկ, ովքեր սոցիալապես անապահով խավերից են, որոնց իսկապես պետք է օգնել: ՙԳրին քարտը՚ դա հասցեականացված միջոց է, որը, կարծում եմ, ոչ մեկ չի հավատում, որ խաղարկությամբ է իրականացվում: Այն տրվում է այն մարդկանց, ովքեր արդեն կայացած են եւ կարող են իրենց ներկայությամբ օգտակար լինել Միացյալ Նահանգներ պետությանը: ՙԳրին քարտ՚ ծրագրով Հայաստանից հավաքվում եւ հանվում է բարձրորակ մարդկային ռեսուրսը, ուստի դրանք խորապես տարբեր էություն ունեցող ծրագրեր են:
- Ինչո±ւ է լռում Լեւոն Տեր-Պետրոսյանը:
- Լեւոն Տեր-Պետրոսյանը լռում է, որովհետեւ այլեւս ասելիք չունի: Նրա ամբողջ քաղաքական ծրագիրն ավարտվեց ֆիասկոյով: Անգամ իր յոթ պատգամավորները տարբեր հարցերի շուրջ յոթ ձեւով են քվեարկում, ինչպես օրինակ ՀԱՊԿ-ի վերաբերյալ քվեարկությունը: Այսինքն` ամենակարեւորագույն խնդիրներում չկա այդտեղ միասնություն: ՏԻՄ ընտրություններում այդ ուժը դերակատարություն չունեցավ, ԱԺ ընտրություններում նրանց վեցը տոկոսը հրաշքով դարձավ յոթ, որպեսզի ներկայանան ԱԺ, մարզերում Լեւոն Տեր-Պետրոսյանին դիմավորում էին 3-4 հոգի եւ նա հասկացավ, որ չունի ժողովրդի աջակցությունը, չունի թիմ, որով կարող է լուրջ դերակատարություն ունենալ նախագահական ընտրություններում: ՀԱԿ-ի էջը փակված կարելի է համարել: ՀԱԿ-ը կմնա խորհրդարանում, որպես ծայրահեղ ընդդիմություն:
- Ըստ Ձեզ, ՙԺառանգության՚ եւ ՙԱզատ դեմոկրատների՚ վեճը կհարթվի±:
- ՙԺառանգություն՚ կուսակցության եւ ՙԱզատ դեմոկրատների՚ փոխհարաբերությունների ճշգրտումը պարզապես մանկապարտեզ է հիշեցնում: Րաֆֆին ձգտում է, որ ինքը լինի թեկնածուն, որի վրա Արեւմուտքը խաղադրույք կդնի, բայց մենք տեսնում ենք, որ նա ամենուրեք պարզապես անհաջողության է մատնվում, իսկ կառավարելու ունակությունները Րաֆֆիի մոտ բացակայում են: ՙԱզատ դեմոկրատների՚ հետ ՙԺառանգության՚ մանկական վեճերը ավելի շատ պատգամավորի քանակի կռիվ է` թե ով կունենա ավելի շատ պատգամավոր, ով` ավելի քիչ, հատկապես, որ դրանից, ըստ էության, ոչինչ կախված չէ, քանի որ պլյուս մեկ կամ մինուս մեկը, որեւէ դերակատարություն չունի: Ի վերջո, քանի որ այդ երկու ուժերը նույն կենտրոնից են կառավարվում, ուստի այդ կենտրոնը, որ օվկիանոսից այն կողմ է գտնվում, կփորձի նրանց հաշտեցնել:
- Վարդան Օսկանյանը ցույց տվեց, որ ցանկանում է սպասվող նախագահական ընտրություններին մասնակցել, ինչպիսի±ն է Ձեր գնահատականը:
- Վարդան Օսկանյանը եղել է ոչ ժողովրդավարական ռեժիմի տասը տարվա ներկայացուցիչ, ով զբաղվում էր այդ ռեժիմի արտաքին քաղաքական հարցերի լուծումով: Այդ իսկ պատճառով դրանից հետո նա որեւէ քայլ չի արել, որպեսզի ստանա ժողովրդական մեծ աջակցություն: Այն, որ նա գտնվում է մի կուսակցության մեջ, որը ունի 450 հազ. ձայն` ըստ վերջին ընտրությունների, դեռ չի նշանակում, որ նա` որպես անհատ, կստանա այդ 450 հազ. ձայնը: Հիմնական աջակցությունը, որը նա կարող է ունենալ որպես անհատ թեկնածու, դա արտասահմանյան-ֆինանսական ներդրումներն են եւ քաղաքական աջակցությունը: Սակայն մոտակա նախագահական ընտրություններում ռեալ մրցակցություն երկրի ներկայիս նախագահը չի ունենալու: Ընտրություններն ավարտվելու են մեկ փուլով, եւ քննարկելու` Վարդան Օսկանյանի կամ մեկ այլ թեկնածուի ռեալ մրցակից լինելու խնդիրը, հիմքեր չունենք:

Այս ընտրությունները անցնում են շատ ավելի պարզ իրավիճակում, այն առումով, որ ակնհայտ է, որ երկրի ներկայիս նախագահ Սերժ Սարգսյանն ունի բոլոր հնարավորությունները, առանց որեւէ լուրջ մրցակցության, ստանձնելու իր պաշտոնավարման երկրորդ ժամկետը: Այս ընտրությունները անցնելու են շատ դրական ֆոնի վրա, քանի որ մենք անցկացրեցինք Ազգային ժողովի ընտրություններ, որոնք աննախադեպ լեգիտիմ էին եւ աննախադեպ անցնցում: Մենք անցկացրեցինք ՏԻՄ ընտրություններ, որոնք նույնպես անցան շատ հանգիստ պայմաններում, անցնցում: Այսինքն` երկրում ձեւավորվել է նոր քաղաքական մշակույթ` դա ընտրությունների օրինական, թափանցիկ եւ արդար անցկացնելու մշակույթն է: Այս մշակույթը կտարածվի նաեւ նախագահական ընտրությունների վրա:
ԱՍՅԱ ՄՈՒՐԱԴՅԱՆ

 

 
Հ.ԲԱԲՈՒԽԱՆՅԱՆ

-Հարգելի Աժ նախագահ, հարգելի գործընկերներ, այսօր մենք ստացանք եւս 1 վկայություն այն մասին, որ, այսպես կոչված, եվրոպական արժեքներն իրականում ոչինչ չարժեն հենց նույն Եվրամիության եւ ՆԱՏՕ-ի համար։ Եվրամիության եւ ՆԱՏՕ-ի անդամ Հունգարիան գաղտնի կերպով Ադրբեջանին է փոխանցել նացիստական դրդումներով մարդասպան Սաֆարովին, քաջ գիտակցելով, որ ֆաշիզմի եւ նացիզմի գաղափարախոսությանը դավանող այն երկիրը, այսինքն՝ Ադրբեջանը պատրաստվում է ոչ միայն ազատ արձակել, այլ մեծարել նացիստին։ Չէ՞ որ նույն Ադրբեջանն էր, որ 1988-1992 թվականներին իրականացրեց իր հայ ազգի ավելի քան կես միլիոն քաղաքացիների  ցեղասպանությունը, որը մինչ օրս բացարձակապես անպատիժ է մնացել։
Նույն Ադրբեջանը 94-ին պատերազմ սանձազերծեց Հայաստանի եւ ԼՂՀ-ի դեմ, եւ իր կողմից օկուպացված տարածքներում իրականացվեց հայ քաղաքացիական բնակչության բնաջնջումը։
Ըստ էության, ակնհայտ է դառնում, որ Եվրոպան համարժեք գնահատականներով չդատապարտելով իր անդամ պետության՝ Հունգարիայի եւ Ադրբեջանի այդ ստոր քայլն անուղղակիորեն աջակցություն է ցուցաբերում նացիզմի մարդատիաց  գարափարախոսությանը եւ դրա իրագործման ադրբեջանական  քաղաքականությանը։
Եվրոպայի աչքի առաջ Ադրբեջանում, իսկ այժմ նաեւ Հունգարիայում վերածնվող նացիզմի խրախճանքը չի սաստում անգամ այն հանգամանքը, որ ազգային հողի վրա կատարած նենգ սպանությունը տեղի է ունեցել ՆԱՏՕ-ի կողմից կազմակերպված միջազգային սեմինարի ընթացքում, որով պատվազուրկ է արվել հենց ՆԱՏՕ-ն։ Սա եւս մեկ ապացույց է, որ եվրոպացիների համար ամենաբարձր արժեքը ոչ թե արդարությունն է, այլ նավթադոլարները եւ քաղաքական շահը, որին ստորադասվում են ամենակարեւոր համամարդկային արժեքները։
Պետք է փաստել, որ այսուհետ Եվրոպայում նույնպես հային կարող են անպատիժ սպանել իր ազգային պատկանելության պատճառով, ինչպես ֆաշիստական Ադրբեջանում եւ Թուրքիայում։ Նացիզմի այսպիսի դրսեւորում Եվրոպան չէր տեսել 45 թվականից հետո։ Այս փաստն ընդունում են նաեւ եվրոպական առաջադեմ քաղաքական գործիչները, ինչպիսին, օրինակ՝ Եվրախորհրդի գլխավոր քարտուղար Յագվոնդը, որը հայտարարեց. «Սա  այն Եվրոպան չէ, որը մենք ցանկանում ենք մեր ապագա  սերունդների համար»։ Եվ այսօր հարցը միայն հայինը չէ, հարցն ամբողջ աշխարհինն է, որովհետեւ ամբողջ աշխարհին է սպառնում ֆաշիստական Ադրբեջանը, ինչպես ժամանակին ամբողջ աշխարհին սպառնաց Գերմանիայում բուն դրած նացիզմը, ֆաշիստական Գերմանիայում, ինչը բերեց երկրորդ համաշխարհային պատերազմին։ Ինչ եղավ ֆաշիստական Գերմանիայի հետ, բոլորս գիտենք, բայց այդ ընթացքում ամբողջ աշխարհը կրեց ահռելի կորուստներ։ Այս առումով աշխարհը պետք է հասկանա, որ այսօր ֆաշիստական Ադրբեջանը կատարում է նույն դերակատարությունը, ինչը ժամանակին ֆաշիստական Գերմանիան  էր։ Այդ առումով ճիշտ էին այն խիստ քայլերը, որոնք կատարվեցին Հունգարիայի հանդեպ, եւ այն առաջարկությունները, որոնք կան մեր հայտարարության մեջ։
Մենք պետք է նաեւ պահանջենք, որպեսզի Եվրամիությունը դադարեցնի Ադրբեջանի հետ բոլոր տիպի գործընկերությունները, Արեւելյան գործընկերության ծրագիրը եւ այլն։ Մենք պետք է պահանջենք, որ ՆԱՏՕ-ն, այս օրերին գալիս է պատվիրակությունը, որպեսզի ՆԱՏՕ-ն տա համապատասխան գնահատական եւ դադարեցնի Ադրբեջանի հետ գործընկերության ծրագրերը, հակառակ դեպքում ես չեմ կարող հասկանալ, որ նույն գործընկերության շրջանակներում կարող են համագործակցել այդ կառույցները եւ՛ Հայաստանի, եւ՛ Ադրբեջանի հետ։
Մենք պետք է կարողանանք, եւ մեր Արդարադատության նախարարությունը պետք է կարողանա սատարել այդ գործընթացին, դիմել միջազգային դատական ատյաններ, եւ այդտեղ լուծել որոշակի պատժամիջոցներ եւ պատիժներ կիրառելու հարցերը։ Մենք պետք է կարողանանք ի վերջո, այո, հասնել նրան, որ այդ հանցագործը՝ նացիստն էլի հայտնվի բանտում, հակառակ դեպքում կստացվի, որ արդարադատությունը պետք է իրականացնեն այլ ուժեր։ Մենք պետք է հասկանանք, որ Մինսկի խմբի շրջանակներում բանակցություններ վարել այն պետության հետ, որը գտնվում է քարե դարում, իսկապես բարդ խնդիր է։ 1-ին հերթին պետք է հասկանալ, արդյոք, այդ պետությունն ադեկվա՞տ է իր հայեցողական համակարգում, թե՝ գտնվում է այն կարգի մեջ, որ պետք է հային սպանել, ուտել եւ դրանից ստանալ հաճույք։ Նման պետության հետ պետք է խոսել միայն մի հարցի շուրջ՝ նացիզմը պետք է վերացվի այդ պետության միջից։
Միաժամանակ մենք պետք է հասկանանք, որ կան ուժեր, ովքեր դրդել են եւ՛ Հունգարիային, եւ՛ Ադրբեջանին այդ քայլին, եւ Ադրբեջանը ոչ միայն ինքնուրույն է քայլել այդ ճանապարհով, եւ չի բացառվում, որ այդ ամբողջը կապվում է շատ ավելի բարդ խնդիրների հետ, ինչպիսին Սիրիայի, Իրանի իրավիճակն է։ Պետք է միշտ հիշենք, որ թուրքը մնում է թուրք, եւ ունի նպատակ ոչնչացնելու հային՝ Հայաստանում, Սփյուռքում, ԼՂ-ում, ամենուրեք։ Իսկապես, շատ կարեւոր է այն գաղափարը, որ մենք այսօր պետք է կարողանանք գնալ դեպի ազգային կոնսոլիդացիա, եւ որոշ մեր ներքաղաքական ուժեր փորձում են այս իրավիճակը նույնպես օգտագործել ներքաղաքական դիվիդենտներ հավաքելու համար։ Կարծում եմ, սա այն հարցը չէ, որ պետք է այս հարցի վրա փորձել ներքաղաքական դիվիդենտներ շահել։ Պետք է հզորացնել մեր բանակը, պետք է համախմբվենք մեր պետականության շուրջ, մեր ազգային եկեղեցու շուրջ, պետք է սերտացնել հարաբերությունները մեր դաշնակից պետությունների հետ, եւ այս առումով այն բոլոր ուժերը, կլինեն դրանք ինչ-որ հասարակական կազմակերպություններ, որոնք փորձում են սեւացնել մեր բանակը, աղանդներ, որոնք փորձում են տարածել գաղափարախոսություն, խուսափելու համար բանակում ծառայելուց, պետք է իսկապես դրվեն իրենց տեղը։
Ես մի քանի առաջարկություններ եմ ներկայացրել, մի մասը խմբագրական է։ Ոչ խմբագրական եմ համարում հետեւյալ առաջարկությունները, որ պետք է ավելացնել հետեւյալ կետը՝ ընգծելով, որ 15-22թթ-ին Թուրքիայում եւ Արեւմտյան Հայաստանում, ինչպես նաեւ 88-92 թվականներին Ադրբեջանում միլիոնավոր հայերի դեմ իրագործած ցեղասպանությունների անպատիժ մնալը պարարտ հող է աշխարհում նացիզմի տարածման եւ էթնիկ հողի վրա նորանոր հանցագործությունների կատարման համար։
 

Հայկ Բաբուխանյան 24.08.12

Ուրբաթ, 24 Օգոստոս 2012 | 13:27

13:16

Հայկ Բաբուխանյան- Իշխանական ողջ համակարգի վերընտրություն է  տեղի ունենում:  ԱԺ ընտրությունների ժամանակ ձևավորված ավանդույթը շարունակվում է ՏԻՄ ընտրություններում: Թալինի ընտրությունն անցավ նորմալ պայմաններում: Այլ վայրերում տեղի ունենալիք ՏԻՄ ընտրությունները կանցնեն նորմալ:ՀՀԿ-ն առաջատար է այս առումով: Սակայն այս ընտրություններում առավելություն է տրվում հաճախ անկուսակցական թեկնածուներին։

13:18

Ըննդիմությունը մարզերում ոչ  մի հենարան չունի: ՀԱԿ-ն ընդհանրապես ոչ մի ցայտուն ներկայացուցիչ չունի, «Ժառանգությունն» ունի ընդամենը մեկ թեկնածու: Ընդդիմությունը՝ ի դեմս ՀԱԿ-ի չի հետաքրքրվում մարզային խնդիրներով, որը շատ լավ երևաց ՀԱԿ-ի դեպքում ավագանու անդամների ընտրությունների ժամանակ:

13:20

ՀԱԿ-ի  միակ նպատակը` հասնել իշխանության բոլոր միջոցներով: Ընդդիմությունը չունի այն հենարանը մարզերում, որ կարողանա հավաքել անհրաժեշտ  ձայներ:

13:23

ուրախ եմ, որ Գյումրիում ՀՀԿ և ԲՀԿ գտել են կոնսենսուս, որ Գյումրին  դուրս կգա բացասական շրջապտույտից:   Վարդան Ղուկասյանը ճիշտ արեց, որ չառաջադրվեց՝ ելնելով կուսակցական դիսցիպլինայից:

13:30

Նախագահական ընտրություններում մեկ թեկնածու հաստատ    կառաջադրվի՝ մեր նախագահը: Ընդդիմությունն  ի վիճակի չէ  առաջադրելու միասնական թեկնածու, քանի որ սա այն ընդդիմությունը չէ, որը 1996-ին առաջադրեց միասնական թեկնածու Վազգեն Մանուկյանին:

13:31

ԲՀԿ-ի մասով ոչինչ չեմ կարող ասել առայժմ:

Ես կողմ եմ , որ Վանո Սիրադեղյանը կանգնի դատարանի առաջ և պատժվի իր հանցագործությունների համար: Բայց  եթե վերադառնա Վանո Սիրադեղյանը, ապա կփախչի Լևոն Տեր- Պետրոսյանը, քանի որ այդ հանցագործությունները նա միայնակ չի գործել:

13:38

Ռոբերտ Քոչարյանը ժամանակին հայտարարել է, որ չի լինելու երիտասարդ թոշակառու: Բայց չկա այն  հենարանը, որ Ռոբերտ Քոչարյանը  վերադառնա, քանի որ նա շատ սխալներ է արել իր ղեկավարման օրոք, առաջին հերթին քրեաօլիգարխիկ համակարգը զարգացավ նրա օրոք:

13:39

Վարդան Ղուկասյանը որպես քաղաքական գործիչ չի էլ կայացել երբեք:

13:49

Ես ներգրավված չեմ եղել որպես կասկածյալ հոկտեմբերի 27-ին: Ես եղել եմ վկա, հետո՝ տուժող: Դա Ռոբերտ Քոչարյանի սխալներից չէր: Սխալ էր նաև ամբողջ քննությունը հանձնել Գագիկ Ջհանգիրյանին, ով ամբողջ գործը դարձրեց իր ձեռքի խաղալիք: Քոչարյանի սխալը հոկտեմբերի 28-ին էր, ասեց, որ ուզում է հրաժարական տա: Նա թուլություն դրսևորեց: Կարծում եմ՝ Գագիկ Ջհանգիրյանն է ինչ-որ չափով մեղավոր, որ հոկտեմբերի 27-ի գործը չբացահայտվեց:

 

Բաբուխանյան. «մի օր արդարադատություն կիրականացվի»

Այսօր հրավիրած ասուլիսում ՀՀԿ խմբակցության պատգամավոր Հայկ Բաբուխանյանից հետաքրքրվեցին, թե իր մշակած օրինագծին եթե ՀՀԿ-ն դեմ քվեարկի, հնարավո՞ր է, որ մանդատը վայր դնեք՝ նա պատասխանեց. «Դուք ընկաք երազանքների գիրկը»:

Հարցին, թե ինչպե՞ս եք վերաբերում Վանո Սիրադեղյանին հայրենիք վերադարձնելու նախաձեռնությանը՝ նա պատասխանեց.  «Ես ժամանակին կողմ եմ քվեարկել, որ հանվի Վանո Սիրադեղյանի վրայից  անձեռնմխելիությունը: Գտնում եմ, որ եթե մարդը կատարել է հանցանք՝ պիտի կրի պատասխանատվություն, որեւէ այլ մոտեցում այստեղ չի կարող լինել:Մարդը պետք է կրի պատասխանատվություն՝ իր կատարած հանցանքի համար»: Հարցին՝ ո՞վ է ապացուցել, որ նա մեղավոր է պատասխանեց՝ դատարանը. «Կա վճիռ, որով ապացուցվում է Վանո Սիրադեղյանի շատ ծանր մեղքը: Պարտադիր է, որ այդպիսի հանցանք կատարողը կրի պատասխանատվություն»: Լրագրողների դիտարկմանը, որ նա  չի կանգնել դատարանի առջեւ, նա պատասխանեց. «Այո, Վանո Սիրադեղյանը խուսափեց դատարանի առաջ կանգնելուց, դիմեց փախուստի, սակայն կարծում եմ, որ մի օր արդարադատություն կիրականացվի»:

 

ԱԺ ՀՀԿ խմբակցության անդամ Հայկ Բաբուխանյանի ասուլիսը խորհրդարանում

ԱԺ ՀՀԿ խմբակցության անդամ Հայկ Բաբուխանյանը հուլիսի 27-ին  խորհրդարանում տեղի ունեցած մամուլի ասուլիսի ժամանակ մանրամասներ ներկայացրեց  Ուկրաինա կատարած այցից: Պարոն Բաբուխանյանը տեղեկացրեց, որ այցի ընթացքում ԱՊՀ երկրների ԶԼՄ-ների խորհրդի պատվիրակության կազմում  հանդիպել է Ուկրաինայի նախագահ Վիկտոր Յանուկովիչի հետ, Ղրիմում մասնակցել «Սուրբ խաչե հայկական ազգագրական փառատոնին:

Յալթայում Ուկրաինայի նախագահի հետ հանդիպման ժամանակ ՀՀԿ խմբակցության պատգամավորը հետաքրքրվել է, թե 2013 թ.-ին ԵԱՀԿ-ում նախագահությունը ստանձնելուց հետո արդյոք Ուկրաինան պատրաստ է հարգել ազգերի ինքնորոշման իրավունքը` մասնավորապես Լեռնային Ղարաբաղի ժողովրդի:  Ի պատասխան Ուկրաինայի նախագահը նշել է, որ ակնկալում են` իրենց նախագահության շրջանում հարցի կարգավորումը զգալի առաջընթաց կունենա: Ըստ նրա` Ուկրաինան ԼՂ հակամարտության կարգավորումը տեսնում է միայն միջազգային իրավունքի հիման վրա, բացառապես խաղաղ բանակցությունների միջոցով:

Հայկ Բաբուխանյանը տեղեկացրեց, որ Ղրիմի Սուրբ Խաչ վանական համալիրի տարածքում տեղի ունեցած «Սուրբ խաչե փառատոնը անցկացվում էր երրորդ անգամ` ներկայացնելով հայկական ավանդույթը: Փառատոնի ժամանակ պատգամավորը ներկայացրել է ՀՀ ԱԺ նախագահ Հովիկ Աբրահամյանի ուղերձը, որտեղ խորհրդարանի ղեկավարը ողջունել է արվեստի փառատոնը` նշելով, որ այն միավորում է Ղրիմի եւ Ուկրաինայի հայությանը,  նպաստում հայ երիտասարդության շրջանում հոգեւոր արժեքների պահպանմանը, ձեւավորում ստեղծագործական ու բարեկամական կապեր ինչպես մեր հայրենակիցների, այնպես էլ փառատոնի այլազգի մասնակիցների միջեւ:

ՀՀԿ խմբակցության պատգամավորը պատասխանեց նաեւ լրագրողների հարցերին:

 

«Ճիշտ որոշում է՝ չպատասխանել մեծերին եւ խելոքներին»

ՀԱԿ-ն իր վերջին հանրահավաքում հայտարարել էր, որ որոշել են ընդհանրապես չպատասխանել  ՍԻՄ նախագահ Հայկ Բաբուխանյանի քննադատությանը, ասածներին:

Այսօր մամլո ասուլիսում  պատգամավոր Հայկ Բաբուխանյանից լրագրողները հետաքրքրվեցին, թե ինչպե՞ս է վերաբերվում ՀԱԿ-ի այդ որոշմանը: Նա պատասխանեց. «ՀԱԿ-ին վերաբերվում եմ երկակի, բնականաբար՝ նաեւ նրանց բոլոր որոշումներին: Ինձ համար դրանք սովորական հանցագործներ են, որոնք հայ ազգի դեմ կատարել են հանցագործություն: Դեռեւս չեն պատժվել, հուսով եմ՝ մի օր կպատժվեն: Ես նաեւ  հումորով եմ վերաբերվում ՀԱԿ-ին, որովհետեւ շատ ծիծաղելի մի միավորում է, որն անընդհատ ինչ-որ բաներ է խոսում, որը երբեք չի իրականանում, որի կողմնակիցները գնալով,պատկերավոր ասած, վերջանում են: Կարծում եմ՝ ճիշտ որոշում է՝ չպատասխանել մեծերին եւ խելոքներին, պետք է իրենք լսեն մեզ ուշադիր, եթե կարողանան ինչ-որ բան վերցնեն իրենց համար,եթե կկարողանան եզրակացություն անել՝ շատ ավելի լավ, եթե չկարողանան՝ այդպես էլ կվերջանան-կգնան: Բայց մեծերին հարգելու ձգտումը ես  արդեն բարձր եմ գնահատում»:

Լրագրողները խնդրեցին ապացույցներ ներկայացնել, որ ՀԱԿ-ը հանցագործ է,  նա պատասխանեց. «Իրանք համաձայն են, որ հանցագործ են, չեն պատասխանում, առաջարկում եմ ձեզ իրենց համար այդքան դոշ չտալ»: Այնուամենայնիվ,ի պատասխան լրագրողների խոստմանը, որ ներկայացրեք ապացույցներ ՀԱԿ-ի հանցագործությունների մասին՝ կտպենք՝ նա խորհուրդ տվեց վերցնել 90-96 թվականի «Իրավունքի» համարները ու արտատպել. «Այնտեղ համար առ համար կան ապացույցներ, նշված է հանցագործություն առ հանցագործություն »:

Այն դիտարկմանը, որ ընդդիմադիր ուժերի կողմից բազմաթիվ անգամ հնչել են կարծիքներ, որ Հ.Բաբուխանյանը ունի հատուկ առաքելություն՝ ԲՀԿ-ին ու ՀԱԿ-ին պատասխանելու, պատգամավորը պատասխանեց. «Երկրի նախագահն արել է առաջարկ՝ մտնել ՀՀԿ ցուցակի մեջ եւ ՍԻՄ-ը ընդունել է այդ առաջարկը: ՍԻՄ-ը մտել է ՀՀԿ խմբակցություն իր գաղափարական եւ քաղաքական բագաժով եւ նպատակներով: Այդ նպատակների մեջ բացարձակապես չկա ԲՀԿ-ի դեմ ինչ-ինչ գործողություններ կատարելը: Ինչ վերաբերում է ՀՀՇ-ին, մենք ՀՀՇ-ին նրա ծնված օրից համարում ենք հակապետական ուժ: Նրա գործունեությունը համարում ենք շատ վտանգավոր՝ մեր ազգի եւ պետության համար: Բնականաբար, ամեն ինչ կանենք, որ նրա վնասակար ազդեցությունը երկրի վրա լինի նվազագույն»:

Քանի՞ տոկոս ձայն եք բերել ՀՀԿ-ին հարցին՝ Հայկ Բաբուխանյանը պատասխանեց. «Սոցիոլոգները, որոնք ընտրություններից 3 ամիս առաջ գնահատում էին իրավիճակը, մեր կուսակցությանը տալիս էին մոտ 5 տոկոս ձայնի հնարավորություն: Սակայն խորհուրդ կտայի ոչ թե հաշվել, թե ով քանի տոկոս ձայն է բերել, այլ տեսնել թիմի ամբողջական աշխատանքը: Եղել է շատ կուռ համակարգ, լավ ձեւավորված թիմ»:

Հարցին՝ Ուկրաինայում մասնակցել եք քրիստոնեական միջոցառմանը, ինչու եք ատում ՀԱԿ-ին՝ նա ասաց. «Ի՞նչ կապ ունի ՀԱԿ-ը քրիստոնեության հետ: Տվյալ դեպքում ես չէի խառնի: ՀԱԿ-ը բազմաթիվ հարցերում կատարել է հակաքրիստոնեական գործողություններ: ՀԱԿ-ի արած աշխատանքները, գործերը քրիստոնեության տեսակետից, Հայ առաքելական եկեղեցու ուսմունքի տեսակետից ավելի վտանգավոր են, ՀԱԿ-ը կատարել է հակաքրիստոնեական գործողություններ՝ բազմաթիվ հարցերում»: Լրագրողները սկսեցին հարցնել ատելությունն առնվազն հակաքրիստոնեական է՝ նա նկատեց, որ լրագրողները հոգեւոր դաշտին լավ չեն տիրապետում. «Ներողամտության խնդիրը կա, բայց մյուս կողմից՝ կա անհանդուրժողականություն հակամարդկային, հակաազգային, հակաքրիստոնեական դրսեւորումների հանդեպ: Հայ քրիստոնյան պետք է հետեւողական լինի իր անհանդուրժողականության մեջ այն հակամարդկային գործունեությունների հանդեպ, որոնք մենք տեսնում ենք կյանքում: Այս տեսակետից մենք ՀԱԿ-ի հետ բավականին աշխատելու բան ունենք»:

 

ՈՎ ՎՃԱՐՈՒՄ Է, ՆԱ ԷԼ ՊԱՏՎԻՐՈՒՄ Է ԵՐԱԺՇՏՈՒԹՅՈՒՆԸ

 

ՙՓաստարկ՚ ակումբում, ՍԻՄ նախագահ, ԱԺ պատգամավոր ՀԱՅԿ ԲԱԲՈՒԽԱՆՅԱՆԸ, հիմնականում խոսեց արտաքին քաղաքականության եւ սահմանամերձ գյուղերում տեղի ունեցած վերջին դիվերսիոն հարձակումների եւ դրա հետեւանքների մասին: Ադրբեջանի կողմից իրականացված սադրանքները մեկ անգամ եւս վկայում են այն մասին, որ այն ֆաշիստական, նացիստական եւ տեռորիստական պետություն է: Ամբողջ խնդիրն այն է, թե ինչու է միջազգային հանրությունը քաջալերում Ադրբեջանի նման գործողությունները: Մենք, բնականաբար, պետք է հարց ուղղենք, թե ինչպես պատահեց, որ Քլինթոնի այցի կապակցությամբ հատկապես տեղի ունեցան այդ դեպքերը եւ ակնհայտ է, որ այդ այցը ու Ադրբեջանի տեռորիստական գործողությունները նորից համընկան: Բանն այն է, որ Միացյալ Նահանգները եւ որոշ եվրոպական երկրներ իրենց քաղաքականությամբ քաջալերում են Ադրբեջանի ռասիստական դրսեւորումները եւ զավթողական քաղաքականությունը: Այն նույն ձայնապնակը, որը վերաբերվում է տարածքային ամբողջականության սկզբունքին, որը որեւէ կապ չունի ԼՂՀ-ի խնդրի հետ, ԱՄՆ-ն ու եվրոպական որոշ երկրներ, անընդհատ կրկնում են ու դրանով քաջալերում ադրբեջանցիներին, եւ չեն հասկանում, որ այսօր դրա հետեւանքով Ադրբեջանը ցանկանում է նորանոր ագրեսիաներ իրականացնել: Կարծում եմ, որ ՀԱՊԿ-ը եւ Հայաստանում ՌԴ-ի ռազմակայանի ղեկավարությունը պետք է հանդես գան համապատասխան հայտարարությամբ, որովհետեւ ՀԱՊԿ-ի անդամ երկրիª այսինքն Հայաստանի սահմանները ենթարկվում են հարձակումների, որի արդյունքում, ցավոք, ունեցանք զոհեր:

ՕՏԱՐ ՇԱՀԵՐԻ ՍՊԱՍԱՐԿՈՂՆԵՐԸ

Իսկ ՀՀ-ի որոշ քաղաքական գործիչներ ամեն բան օգտագործում են, նույնիսկ ամենասուրբ ու նվիրական գաղափարները, ներքաղաքական ու սեփական խնդիրները լուծելու համար, ինչպես օրինակª ՀԱԿ համակարգող Լեւոն Զուրաբյանն է, Րաֆֆի Հովհաննիսյանը, ովքեր վերջին դեպքերի հետ կապված ասացին, թե իբրեւ բալանսը փոխվել է հօգուտ Ադրբեջանի, այն դեպքում, որ պատկերն ամբողջությամբ հակառակն է եւ թշնամին բազմակի ավելի շատ զոհեր է տվել: Ես չէի ցանկանա, որ ընդդիմությունը գոնե այդ հարցում, իրեն պահեր որպես օտար պետության շահերի գործակալ: Առանձին դեպք է Օսկանյանը, որը համագործակցելով ֆինանսավորվել է մի շարք երկրների պետական աղբյուրներից, իսկ ով վճարում է, նա էլ պատվիրում է երաժշտությունը:
ՍԻՄ կուսակցությունը վրդովված է ԱՄՆ-ի պահվածքից, հատկապես վերջին շրջանում ինչ-որ պարգեւատրումներ եւ  դրամաշնորհներ են տալիս, այն մարդկանց, ովքեր Հայաստանում չեն ընկալվում եւ չեն ընդունվում: Միացյալ Նահանգները քաջալերում են այն մարդկանց գործողությունները ովքեր իրենց պահվածքով հասարակության հանդեպ վիրավորական դրսեւորումներ են ունենում, փորձելով դրանք ներկայացնել որպես Հայաստանում մարդու իրավունքների պաշտպաններ: Նախ ես կոչ եմ անում ԱՄՆ-ին ու Բրիտանիային չխառնվել Հայաստանի ներքին գործերին, չփորձեն ոտնահարեն մեր հասարակության իրավունքը ազատորեն ապրելու այնպես ինչպես մենք ինքներս ենք ցանկանում: Ինչ վերաբերվում է փոքրամասնությունների իրավունքներինª սեռական, կրոնական, ապա ոչ ոք չի պատրաստվում սահմանափակել կամ վիրավորել նրանց, բանն այն է, որ նրանք դրսեւորում են ագրեսիվ վարքագիծ: Իսկ մենք պարտավոր ենք մեր հասարակությանը պաշտպանել նման ագրեսիվ դրսեւորումներից եւ որպես Հայ առաքելական եկեղեցու հետեւորդներ պետք է պահպանենք մեր կրոնը, դա մեր իրավունքն է: Իսկ սեռական փոքրամասնությունները փորձում են իրենց այլասերված դրսեւորումները ի ցույց դնել հասարակությանը: Այսպիսով, մենք դիմում ենք ԱՄՆ-ին ասելով, որ իրենց այլասերվածությունն ու անբարոյականությունը, որը մտած է իրենց հասարակության մեջ ու քայքայում է այն, պահեն իրենց եւ չփորձեն բերել մեր երկիր, քայքայելու ու ոչնչացնելու մեր ինքնությունը:

ԱՅՍ ԱՆԳԱՄ ՆԱԽԻՋԵՎԱՆԸ ԿԱԶԱՏԱԳՐԵՆՔ

-Որքան շարունակելի կլինեն Ադրբեջանի դիվերսիոն գործողությունները, եւ ի±նչ եք կարծում, պատերազմ կսկսվի, թե± ոչ:
- Քանի դեռ ԱՄՆ-ը եւ Արեւմուտքը քաջալերում են Թուրքիայինª չճանաչելով Ցեղասպանությունը, քաջալերում են Ադրբեջանինª չճանաչելով ԼՂՀ-ի անկախությունը, ապա այս երկրները շարունակելու են իրենց ագրեսիվ գործողությունները ՀՀ-ի դեմ.  լինի դա շրջափակումը, դիպուկահարների պատերազմը, դիվերսիոն խմբերի հարձակումը, ինֆորմացիոն պատերազմը, նացիստական դրսեւորումները: Այնուամենայնիվ, կարծում եմ, որ պատերազմ չի լինի, որովհետեւ Ադրբեջանը հասկանում է, յուրաքանչյուր գործողության դեպքում տալու է տասնապատիկ ավելի զոհեր եւ Հայաստանը կճեղքի շրջափակումը եւ այս անգամ չի կորցնի Նախիջեւանը ազատագրելու հնարավորությունը:
Եթե Ադրբեջանը գտնվի այնքան անխելք, կամ նրանց ինչ-ինչ ուժեր դրդեն պատերազմի, իսկ ինչպես հայտնի է նրանց հիմնականում դրան է դրդում Թուրքիան, ապա միակ պետությունը, որը կշահի դրանից` Հայաստանն է: Այդկերպ մենք կազատագրենք  Նախիջեւանը, որը թույլ կտա մեզ բացել երկաթգիծ դեպի Իրան, կպրծնենք հսկայական ծախսերից, որը պետք է իրականացնեինք Սյունիքով դեպի Իրան նոր երկաթգիծ կառուցելու համար:
Ադրբեջանը փորձում է ցույց տալ, որ իբր իրենց հասարակությունը, ռազմական ուժերը արդեն չեն դիմանումª պատերազմել են երազում, եւ այդ հնարքով Միացյալ Նահանգների եւ որոշ եվրոպական երկրների ձեռքով փորձում են լուծել այն խնդիրը, որը իրենք չեն կարողանում իրականացնելª Հայաստանին պարտադրել զիջումների գնալ: Բայց Հայաստանը պատերազմական վիճակում իրավունք ունի կանխարգելիչ գործողություններ իրականացնել եւ բացել իր ճանապարհները: Միաժամանակ, նման իրավիճակում պետք է  դադարեցնել ամերիկացիների կողմից սիրված փոքրամասնութունների գործունեությունը, եւ, եթե օրինակª Եհովայի վկաները չեն գնում բանակ, ապա պետք է պատասխանատվության ենթարկվեն ու բանտ նստեն:
- Ի±նչ եք կարծում, արդյոք հայկական կողմի պատասխանը, մինչ օրս, եղել է համարժեք, թե° ռազմական, թե° դիվանագիտական ասպարեզում:
- Կարծում եմ, որ մենք պարտավոր չենք լինել համարժեքության դաշտում, այլ կարող ենք նաեւ ոչ համարժեք պատասխան տալ, որը ավելի էֆեկտիվ կլինի:
- Քննարկման առարկա դարձավ ԱՊՀ ինստիտուտի ղեկավար Զատուլինի հայտարարությունը, որտեղ  ասվում է, որ ամենայն հավանականությամբ խնդրի լուծման բանաձեւն է եւ ինչը Մոսկվան փորձելու է ամեն կերպ իրականացնել, որ Արցախի անկախության դիմաց տրվեն որոշ տարածքներ: Ի±նչ եք կարծում, որքանով է դա հնարավոր:
- Այդ բանաձեւը կարելի է ասել, որ վաղուց շրջանառության մեջ է, եւ բանն այն է, որ բանակցությունների գործընթացը ենթադրում է ինչ-որ փոփոխություններ, սակայն առաջին հերթին Ադրբեջանը պետք է հասկանա, որ պետք է ճանաչի ԼՂՀ-ի անկախությունը: Բայց Ադրբեջանը,  պատրաստ չէ գնալու բանակցային գործընթացին, քանի որ որեւէ կերպ չի պատկերացնում ԼՂՀ-ի անկախության ճանաչումը իր կողմից: Բայց մինչեւ Ադրբեջանը չհայտարարի, որ պատրաստ է ճանաչել ԼՂՀ-ի անկախությունը, ապա, ըստ էության, բանակցային գործընթացը եւ քննարկումները որեւէ բանաձեւի շուրջ պարզապես ավելորդ են:

ԱՐՄԵՆՈՒՀԻ ՀԱԿՈԲՅԱՆ

 

08.06.2012 Երեւի ժամանակն է որ ՀԱՊԿ-ն ու Հայաստանում Ռուսաստանի ռազմակայանի ղեկավարությունը հանդես գան համապատասխան հայտարարությամբ

Հայկ Բաբուխանյան. Ադրբեջանի դիվերսիոն գործողությունները Թուրքիայի սադրանքներն են

 

«ՍԻՄ-ը վրդովված է ԱՄՆ-ի պահվածքից։ ԱՄՆ-ը պետքարտուղարը դրամաշնորհներ է անում այն մարդկանց, որոնք հայ հասարակության մեջ չեն ընկալվում և իրենց պահվածքով հասարակության հանդեպ վիրավորական դրսևորումներ են ունենում։ Քաջալերվում են այդ մարդկանց գործողությունները՝ փորձելով դա ներկայացնել որպես Հայաստանում մարդու իրավունքների պաշտպանություն»,-«Փաստարկ» ակումբում լրագրողների հետ հանդիպմանը ասաց ՍԻՄ կուսակցության նախագահ, ԱԺ պատգամավոր Հայկ Բաբուխանյանը։

Նա կոչ արեց ԱՄՆ-ին և Բրիտանիային չխառնվել Հայաստանի ներքին գործերին և չխախտել հասարակության ազատ ապրելու իրավունքը. «Ինչ վերաբերում է փոքրամասնությունների իրավունքներն՝ սեռային, ազգային, կրոնական, ապա ոչ ոք չի պատրաստվում Հայաստանում ոտնահարել նրանց իրավունքները։ Պարզապես նրանք են դրսևորում ագրեսիվ պահվածք, իսկ ագրեսիվ փոքրամասնությունների գործողությունները պետք է կասեցվեն։ ԱՄՆ-ից խնդրում ենք և պահանջում, որ իրենց անբարոյականությունը, որը քայաքայում է իրենց ներսից, չբերեն և փորձեն ոչնչացնել մեր ազգային ինքնությունը»։

Ըստ Բաբուխանյանի՝ քանի դեռ ԱՄՆ-ն և Արևմուտքը քաջալերում են Թուրքիային՝ չճանաչելով Ցեղասպանությունը, քաջալերում են Ադրբեջանին՝ չճնաչելով ԼՂ անկախությունը, Ադրբեջանում հայերի ցեղասպանությունը 88-90 թթ., Ադրբեջանը և Թուքիան շարունակելու են ագրեսիվ գործողությունները. «Դա կլինի շրջափակումը, որը նույնպես հավասարեցված է պատերազմական գործողությունների։ Նրանք կշարունակեն դիվերսիոն խմբերի պատերազմը, ինֆորմացիոն պատերազմը, ռասիստական պատերազմը և այլն»։

Պատգամավորի խոսքերով՝ պատերազմ չի լինի, քանի որ Ադրբեջանը լավ գիտակցում է, որ Հայաստանը ունի հնարավորություն դիմակայելու այդ դիվերսիոն հարձակումներին, և Ադրբեջանը տալու է տասնապատիկ ավելի զոհեր. «Հայաստանը իրավունք և հնարավորություն ունի ճեղքելու շրջափակումը Նախիջևանի ուղղությամբ։ Նա հասկանում է, որ պատերազմի միջոցով ոչնչի չի հասնի։ Դա պարզապես Թուրքիայի կողմից կազմակերպված պրովոկացիաներ են, որոնց նպատակն է ԱՄՆ-ին ցույց տալ, որ Թուրքիան է փորձում գլխավոր դերակատարում ունենալ Անդրկովկասում»։

Բայց հայ-ադրբեջանական հնարավոր պատերազմի դեպքում, պատգամավորը վստահ է, որ Հայաստանը միայն շահելու է. «Մենք կազատագրենք Նախիջեւանը, եւ դա թույլ կտա մեզ բացել երկաթգիծ դեպի Իրան ու զերծ կմնանք հսկայական ծախսերից, որը պետք է անենք, որ կառուցենք Հայաստան-Իրան երկաթգիծը ՝այն բարդագույն ռելիեֆով, որը կա Սյունիքում: Այն դեպքում, երբ գիծը կա, եւ այդ գիծն անցնում է Հայաստանից բռնազավթված Նախիջեւանի տարածքով»:

Պատգամավորի համոզմամբ «Երեւի ժամանակն է որ ՀԱՊԿ-ն ու Հայաստանում Ռուսաստանի ռազմակայանի ղեկավարությունը հանդես գան համապատասխան հայտարարությամբ, որովհետեւ ՀԱՊԿ-ի անդամ երկիր Հայաստանի սահմանները ենթարկվում են հարձակումների, ունենք զոհեր, եւ ՀԱՊԿ-ն ունի այստեղ դերակատարություն, նաեւ Ռուսատանի ռազմակայանը, որը վերջին պայմանագրով պարտավոր է ապահովել Հայաստանի անվտանգությունը՝ ցանկացած երկրի հարձակողական գոծողությունների ժամանակ»:

Հայկ Բաբուխանյանին վրդովեցնում է նաև այն, որ որոշ քաղաքական գործիչներ` Լևոն Զուրաբյանն ու Րաֆֆի Հովհաննիսյանը, օգտագործում են վերջին դեպքերը իրենց ներքաղաքական խնդիրները լուծելու համար։ «Չէի ցանկանա, որ ընդդիմությունն իրեն պահեր որպես օտար ուժերի գործակալ և որպես օտար պետության մասնիկ»,–հավելեց նա։

 

Հայկ Բաբուխանյան 25.05.12

Հայկ Բաբուխանյան

12:04
ԱԺ նոր կազմով ակնհայտ է, որ շեշտադրումը դրված է քաղաքական գործընթացների վրա: Այն նախադրյալները, որոնք կան, ՀՀԿ-ի ֆրակցիայի կազմը և ստացած ձայները թույլ են տալու ենթադրել, որ կլինի շատ արդյունավետ աշխատանք, որը նպատակաուղղված կլինի մեր պետությանը, մեր ժողովուրդը դրա արդյունքները շատ արագ կզգա:

12:06
Շատ լավ է, որ կա ընդդիմություն, բացի ՕԵԿ-ից, մյուսները ընդդիմություն են, շատ ծայրահեղ ընդդիմություն ՀՀՇ-ի տեսքով, մենք որպես ընդդիմություն առաջին անգամ պետք է տեսնենք նաև ԲՀԿ-ին: Սա նորություն է: Նախընտրական շրջանում տեսանք այս կուսակցության կիսաընդդիմադիր վիճակը, սակայն ԱԺ-ի ամբիոնից չենք տեսել:

12:07
Բացի այս, նորություն է նաև այն, որ եթե նախկինում ունեցել ենք լայն կոալիցիա, այս անգամ այդքան էլ լայն չէ: ՀՀԿ-ի երեկվա հայտարարության մեջ ասված է, որ ամբողջ պատասխանատվությունը վերցնում է իր վրա։ Սա նույնպես նորություն է: Որպես գլխավոր ուժ, այն ձևավորելու է այն բոլոր գործընթացները, որոնք իրագործվելու են:

12:07
Այս կոնֆիգուրացիայով շատ հետաքրքիր բանավեճեր կլինեն ԱԺ-ում, ի տարբերություն նախորդ ԱԺ-ի: Այս մթնոլորտն օգտակար է լինելու ժողովրդի համար:

12:09
ԲՀԿ-ն ընդհանրապես որպես գործընկեր, այնքան վստահելի չէր ՀՀԿ-ի համար, ինչքան ՕԵԿ-ը: Տարիների ընթացքում հիշում եք, որ կոալիցիայում լինում էին լարվածություններ, որոնք լուծվում էին ինչ-որ փաստաթուղթ ստորագրելով: Կարծում եմ, որ նախընտրական շրջանում այդ պարտավորությունները չկատարեց: Մի պարտավորություն էլ մնացել է, որի համար պետք է հայտնի իր դիրքորոշումը: Բոլոր դեպքերում, նախընտրական շրջանում ԲՀԿ-ի քիչ բացատրելի ընդդիմադիր կեցվածքը չէի ասի, թե վնասեց ՀՀԿ-ին, բավականին հարված հասցրեց ՀԱԿ-ին:

12:12
Կառավարությունը կոալիցիոն լինելու երկու պատճառ կա, մեկը , որ չունես մեծամասնություն, որը չկա, երկրորդը, որ կա ընդհանուր նպատակ: Տվյալ դեպքում երկրորդ ծրագիրն էր, որ առաջարկվում էր ՀՀԿ-ի կողմից: Գիտեք, որ ՀՀ նախագահը հանդուրժողականության կողմնակիցն է, ուստի առաջարկեց համագործակցություն, սակայն կա ռազմավարության խնդիր, դա հաջորդ ընտրություններն են: Այդ ռազմավարական խնդիրները ԲՀԿ-ն իր համար գտավ ոչ ընդունելի, շարունակեց այն ոճը, որ կար նախընտրական շրջանում: Կարծում եմ, որ սա վերջնական ապահարզանը չէ, վեց ամիս անց ԲՀԿ-ն ցույց կտա իր ընդդիմադիր ուժը ԱԺ-ում:

12:15
Այո, ես ենթադրում եմ, որ ի վերջո ԲՀԿ-ն կվերադառնա կոալիցիա մի վեց ամիս հետո: Վառ արտահայտված գաղափարախոսություն ԲՀԿ-ում չեմ նկատել: Սա չի նշանակում, որ նա չի կարող ընդդիմադիր հանդես գա պառլամենտում: Կարծում եմ, որ ԲՀԿ-ի համար դա նոր ֆորմատ է, բնականաբար այսպիսի ֆորմատի անցնելուց կլինեն ինչ-որ խնդիրներ: Ուզում եմ հիշեցնել, որ երբ ՕԵԿ-ը դուրս եկավ իշխանությունից, ինչ ճեղքեր ապրեց:

 

Հայկ Բաբուխանյան 25.05.12

ՍԻՄ նախագահ, ԱԺ պատգամավոր Հայկ Բաբուխանյանի ասուլիսը

25.05.2012թ.
Հայկ Բաբուխանյան

Լրագրողների հետ հանդիպման ժամանակ ՍԻՄ կուսակցության նախագահ, ԱԺ պատգամավոր  ՀԱՅԿ ԲԱԲՈՒԽԱՆՅԱՆԸ պատասխանելով լրագրողների այն հարցին, թե ինչ գնահատական կարող է տալ ընտրություններին այս ետընտրական շրջանում եւ ինչ ակնկալիքներ կարելի է ունենալ նորընտիր ԱԺ-ից եւ առհասարակ ի՞նչ է տեղի ունենում հիմա ներքաղաքական կյանքում, ասաց.

- Ակնհայտ է, որ ԱԺ-ի նոր կազմի շեշտադրումը դրված է քաղաքական գործընթացների վրա եւ քաղաքական առումով շատ հետաքրքիր ու նոր թիմ է ձեւավորվել ԱԺ-ում: Այդ նախադրյալները առաջին հերթին վերաբերվում են ՀՀԿ-ի խմբակցությանը, որը կլինի իհարկե առաջատարը Աժ-ում: Այդ ֆրակցիայի կազմը, ստացած ձայները եւ զբաղեցրած դիրքը ԱԺ-ում թույլ են տալիս ենթադրելու, որ կլինի բավականին արդյունավետ աշխատանք եւ օրենսդրական եւ քաղաքական առումներով, որը նպատակաուղղված կլինի մեր երկրի զարգացմանը: Լավ է նաեւ այն, որ ԱԺ-ում կա ընդդիմությունª բացի ՕԵԿ-ից մնացած բոլորը եւ այն բազմատեսակ է, այսինքն կան ծայրահեղ լիբերալ "Ժառանգությունը" ՀՀՇ-ն (ՀԱԿ-ի տեսքով) ՀՅԴ-ն ազգային-հեղափոխական գաղափարախոսության հիման վրա, ինչպես նաեւ առաջին անգամ որպես այլընտրանք պետք է տեսնենք ԲՀԿ-ի աշխատանքը: Ճիշտ է նախընտրական շրջանում մենք տեսանք այդ կուսակցության հիմնականում ընդդիմադիր կեցվածքը, բայց ԱԺ-ում նրանք երբեւէ ընդդիմադիր դիրքերից հանդես չեն եկելՆորընտրր ԱԺ-ում նորություն է նաեւ այն, որ եթե նախկինում ունեցել ենք ընդարձակ կոալիցիա, ԱԺ-ում, ապա այս անգամ կոալիցիան լայն չէ եւ ՀՀԿ-ի հայտարարությունում հստակ ասվում է, որ նա գրեթե ամբողջությամբ պատասխանատվությունը վերցնում է իր վրա, այն դեպքում, երբ մինչ այդ պատասխանատվությունը նախորդ հինգ տարիների համար բաժանված էր կոալիցիայի անդամների միջեւ: Կարծում եմ, որ այս կոնֆիգուրացիայով շատ  արդյունավետ քաղաքական բանավեճեր կլինեն ԱԺ-ում ի տարբերություն նախորդ ԱԺ-ի:

- Կոնկրետ ձեզ համար, ԲՀԿ-ի այս քայլը անակնկա՞լ էր:

- Ասեմ, որ ԲՀԿ-ն ընդհանրապես որպես գործընկեր, այդքան էլ վստահելի չէր ՀՀԿ-ի համար, ինչպես օրինակ ՕԵԿ-ը: Եվ եթե վերցնենք նախկին կոալիցիան, ապա հիշում եք, որ տարիների ընթացքում բազմաթիվ անգամներ լինում էին լարվածություններ կոալիցիայում, որոնք տեւում էին մի քանի շաբաթներ, ամիսներ եւ հետո դա լուծվում էր ինչ-որ փաստաթուղթ ստորագրելով, զորօրինակ վերջին հուշագրի ստորագրումը, որտեղ ԲՀԿ-ն ստանձնեց որոշակի պարտավորություններ: Կարծում եմ, որ նախընտրական շրջանում ԲՀԿ-ն այդ պարտավորությունները չկատարեց եւ մի պարտավորություն դեռեւս մնացել է, որի մասին պետք է տան հստակ ձեւակերպումներ իրենց դիրքորոշումների մասին: Սակայն հայտնի է, որ ԲՀԿ-ն ունի աշխատանքային մի ոճ, երբ տարբեր ներկայացուցիչներ ասում են իրենց անձնական տարբեր տեսակետները եւ հասարակությունն ու քաղաքական դաշտը փորձում է հասկանալ այդ մի շարք իրար հակասող անձնական տեսակետներից որն է կուսակցության տեսակետը: Ամեն դեպքում, նախընտրական շրջանում, ԲՀԿ-ի դրսեւորած այդ քիչ բացատրելի ընդիմադիր կեցվածքը չէի ասի, որ վնասեց ՀՀԿ-ին եւ ինչպես հայտնի է Հանրապետական կուսակցությունը նախորդ ընտրությունների համեմատ կարողացավ այս անգամ 10 տոկոս ավել ձայներ հավաքել: Բայց ԲՀԿ-ն բավականին հարված հասցրեց ՀԱԿ-ին եւ նրանք կորցրեցին շուրջ 200-250 հազար ձայներ, որոնք սահուն տեղափոխվեցին ԲՀԿ-ի զինանոց: Այսպիսով կարելի է ենթադրել, որ լարվածության գործընթացը, որը չի տեղավորվում կոալիցիայի շրջանակներում կշարունակվի նաեւ ընտրություններից հետո, կառավարության ձեւավորման փուլում: Ասեմ, որ կառավարության կոալիցիոն լինելու համար երկու պատճառ կարող է լինել, մեկը եթե չունես մեծամասնություն, որը ՀՀԿ-ի պարագայում իչպես հայտնի է չկա եւ երկրորդ տարբերակն այն է, որ կա ընդհանուր մեկ նպատակ, ռազմավարություն, որն իրականացնելու համար իրականացվում է կոալիցիոն գործունեություն: Տվյալ դեպքում երկրորդ ծրագիրն էր, որն առաջարկվում էր ՀՀԿ-ի կողմից: ՀՀ նախագահը միշտ եղել է եւ կա երկրում հանդուրժողականության եւ ազգային միասնության մթնոլորտի ձեւավորման ջատագովը: Այս անգամ եւս նրա կողմից առաջարկվեց այդ միասնության եւ համերաշխության մթնոլորտի ձեւավորումը կոալիցիա ստեղծելու միջոցով: Սակայն կա ընդհանուր ռազմավարության դա հաջորդ ընտրություններն են եւ կա իհարե ավելի լայն ռազմավարություն, դա այն ծրագրեն են, որը ներկայացրեց երկրի նախագահը մեր երկրի զարգացման ու փոփոխություններ իրականացնելու առումով: Հավանաբար այդ ռազմավարական խնդիրները ԲՀԿ-ն իր համար գտավ ոչ ընդունելի եւ շարունակեց այն ոճը, որը որ կար նախընտրական շրջանում, բայց կարծում եմ, որ սա դեռ վերջնական ապահարզանը չէ: Իմ կարծիքով մոտավորապես վեց ամսի կտեւի ուժերի ցուցադրման փուլը, որի ընթացքում ԱԺ-ում աշխատելիս ԲՀԿ-նիրեն կդրսեւորի որպես ընդդիմադիր:  Սակայն մինչ նախագահական ընտրությունները ենթադրում եմ, որ կլինի եւս մի բանակցային փուլ, որտեղ կքննարկվի կոալիցիա ստեղծելու հարցը եւ այդ ժամանակ ԲՀԿ-ն կարող է կատարել նախկինում իր կողմից ստանձնած պարտավորությունըª նախագահական ընտրություններում պաշտպանել գործող նախագահ Սերժ Սարգսյանին:

- Դուք նշեցիք, որ ԲՀԿ-ն ՀԱԿ-ից ձայներ տարավ, բայց նրանք ավելի արմատական ընդիմություն են, իսկ ԲՀԿ-ն մինչեւ նախագահական ընտրություննե՞րը կարող է "պլանկա" պահել, քանի որ կան կարծիքներ, որ իրենք գաղափարական կուսակցություն չեն եւ այդպիսի կուսակցությունը ընդիմադիրի կեցվածքը չի՞ կարող պահել:

- ԲՀԿ-ի գաղափարախոսության մասին կարող եմ ասել, որ այո վառ արտահայտված գաղափարախոսություն դեռեւս ես չեմ նկատել, որը չի նշանակում, որ նրանք չեն կարող հանդես գալ ընդդիմադիր դիրքերից պառլամենտում: Սակայն օրինակ ՍԻՄ-ը 20 տարուց ավել լինելով ընդիմություն արդեն խորքային ձեւով գիտի, թե ինչ է դա, իսկ ԲՀԿ-ի համար սա նոր քաղաքական ֆորմատ է եւ բնականաբար նման ֆորմատին անցնելուց կլինեն ինչ-ինչ խնդիրներ: Հիշեցնեմ, որ երբ ՕԵԿ-ը դուրս եկավ իշխանությունից, դարձավ ընդիմություն, ահավոր ճեղքեր առաջացան այդ կուսակցությունում եւ այնտեղ բացի երկու երեք նույն դեմքերից նոր վերակազմավորում ապրեց: Եվ այս առումով ԲՀԿ-ն եւս ունենալու է խնդիրներ ընդիմադիր ֆորմատում աշխատելու ընթացքում,  որը ըստ իս, երկար չի տեւելու:

- Ստացվում է, որ ԲՀԿ-ն կանցնի այն նույն ճանապարհը, ինչը որ ՕԵ՞Կ-ը:

- Ես չէի ասի, որ նույնը, բայց կարծում եմ, որ կլինեն մարդիկ, ովքեր ԲՀԿ-ի ընդիմադիր լինելու կապակցությամբ դուրս կգան, կլինեն մարդիկ, ովքեր նույնիսկ ներս կմտնեն ու կակտիվանան, օրինակ Օսկանյանի գործունեությունը դա է վկայում, հակառակ դեպքում նա պետք է դուրս գար ԲՀԿ-ից: Իսկ մնացած առումներով կարծում եմ, որ այո ԲՀԿ-ն կվարվի այնպես, ինչպես վարվեց ՕԵԿ-ը ժամանակին միանալով իշխանություններին:

- Քանի որ պատասխանատվության մեծամասնությունն ընկնում է ՀՀԿ-ի ուսերին, հնարավո՞ր է այս առումով կոալիցիա կազմել ՕԵԿ-ի հետ եւ մամուլում խոսում են նաեւ "Ժառանգության" հետ կոալիցիա կազմելու մասին, որքնաո՞վ է այն հավանական:

- Ես ՀՀԿ-ի անունից խոսել չեմ կարող եւ կարող եմ խոսել ՍԻՄ-ի անունից եւ կատարելով վերլուծություններ, կարծում եմ, որ ՀՀԿ-ի կողմից կատարված այն հայտարարությունը, որ ստանձնում է հիմնական պատասխանատվությունը դա շատ լավ է եւ չնայած որ ՕԵԿ-ի լինելու է, բայց 45 տոկոսի դիմաց 5 տոկոս հավաքածը կունենա համապատասխան կշիռ: Իսկ լավ է այն առումով, որ ի վերջո չեն լինի պատասխանատվության վերաբերյալ տարաբնույթ մեկնաբանություններ, որը ազդում էր եւ օրենքների եւ կառավարության որոշումների որակի վրա, բայց բոլոր բացասական հետեւանքների համար պատասխանատու է դառնում մեկը` երեքից, իսկ հիմա կուսակցությունը ինքը որոշելու է ինքնել կատարելու է: Բացի այդ ավելի արդյունավետ կլինի երկրի նախագահի եւ կառավարության պայքարը օլիգապոլիաների դեմ: Դուք հիշում եք, որ ՀՀ նախագահն ու վարչապետը բազմաթիվ անգամներ բարձրացրել են այդ հարցերը եւ կատարել գործողություններ: Այս պարագայում, երբ ՀՀԿ-ն ստանձնել է միանձնյա պատասխանատվություն նույնիսկ տնտեսության եւ հասարակական կյանքի առողջացման համար ստեղծվել է շատ ավելի լավ պայման, քան եթե ձեւավորվեր կոալիցիա հիմա:

Ինչ վերաբերվում է "Ժառանգությանը", ապա այս պահին նման տեղեկություններ չունեմ, բայց կարծում եմ, որ դեռ այդ կուսակցությունը պետք է հասկանա, թե իրենց ներսում ինչ է կատարվում, արդյոք պետք էր իրենց այդ դաշինքը, թե ոչ, կուսակիցների մի մասը դուրս է գալիս, իրար մեղադրում են եւ այլն, եւ հետո նոր քննարկվեն այլ հարցեր: Կարծում եմ, որ "Ժառանգության" կշիռը այդքան մեծ չէ, որ կարողանա կոալիցիայի մաս կազմել եւ աշխատել: Իսկ իրենք որպես նարնջագույն իդեալներով ապրող կուսակցություն պետք է շարունակի իր գործունեությունը պառլամենտում եւ կարողանա ճիշտ դրսեւորել իրեն մեր քաղաքական դաշտում: Իսկ այն նարնջագույն գործընթացները, որոնք տեղի են ունենում հիմա մեր երկրում շատ վտանգավոր են հասարակական դաշտում եւ հինգերորդ շարասյունըª աղանդները, սեռական փոքրամասնությունները, գրանտակեր ու գրանտածիծ կազմակերպությունները ցանկություն ունեն, որ բոլորը տեղյակ լինեն իրենց գործունեությունից: Այս կերպ նրանք խաթարում են մեր հասարակական կյանքի բնականոն ընթացքը, մեր ազգային ավանդույթները: Պարզ է, որ սրանք մի տեղից են ֆինանսավորվում եւ կորդինացվում եւ օգտվելով առիթից ցանկանում եմ դատապարտել ԱՄՆ-ի կողմից այն հայտարարությունը, որով նա փորձում է խրախուսել ՀՀ-ում տարբեր խժդժություններ, ագրեսիվ փոքրամասնությունների դրսեւորումներ եւ այլն: Կարծում եմ, որ Միացյալ նահամգներն ու Բրիտանիան պետք է դադարեցնեն այն գործողությունները, որոնք հակադիր են հայ հասարակության պատկերացումներին: Իսկ մեր հասարակությունը իրավունք ունի ունենալ իր սեփական պատկերացումները լավի, վատի, բարու եւ չարի մասին եւ ապրել դրանց համապատասխան:

- Ինչպիսի՞ հարցեր եք բարձրացնելու ԱԺ-ում, երբ անցնեք աշխատանքի:

- ՍԻՄ-ը մշակել է մի շարք օրենսդրական նախաձեռնություններ, որոնք ես որպես պատգամավոր ներկայացնելու եմ իմ գործընկերներին ՀՀԿ-ին եւ հասարակությանը եւ ըստ էության առաջին խնդիրը, որը վտանգ է ներկայացնում դա աղանդների գործունեությունն է, եւ ես արդն ներկայացրել եմ այն մասին, որ Երեւանում գործում է աղանդավորական հանրակրթական դպրոց, որը գործում է աղանդավորական կազմակերպության հիմնադրմամբ: Այդ առումով պետք է փոփոխվեն մի շարք օրենքներ, որոնք թույլ են տալիս հակահասարակական ընդվզումներ, օրինակ այդ գեյ շքերթը: Մենք չենք թելադրում ասելով, թե ով ինչպես պետք է ապրի, բայց մենք ասում ենք, որ մի ստիպեք որ ուրիշները ապրեն ձեզ նման: Եթե ես հիմա դուրս գամ փողոց եւ սկսեմ հայհոյել եւ ասել, որ դա իմ ազատությունն է եւ ցանկություն ունեմ հայհոյելու եւ մի բռնացեք իմ ազատությանը, դա կլինի հակահասարակական դրսեւորում, անհարգալից վերաբերմունք հասարակության հանդեպ: Նույնը ես թույլ չեմ տալիս, որ կատարեն ուրիշները, ցուցադրեն իրենց սեռական կողմնորոշումները, կրոնական կողմնորոշումները եւ այլն: Այսինքն մենքª Հայաստանի ժողովրդի մեծամասնությունս, իրավունք ունենք ապրել այնպես ինչպես ցանկանում ենք, դա մեր ազատությունն է, մենք կարող ենք ասել եւ անել այն ինչ թույլատրելի է եւ դա պետք է պաշտպանվի պետության կողմից: Այս առումով ես առաջարկելու եմ փոխել որոշ օրենքներ մասնավորապես կրթության մասին օրենքում հստակեցում մտցնելու մասին, ինչպես նաեւ կրոնական կազմակերպությունների մասին օրենքում եւ մենք ունենք 13-րդ կետը, որը արգելում է ֆինանսավորումը դրսից, իսկ ինչպե՞ս դա ստուգել, վերահսկել, սա հարց է, որի պատասխանը չունենք: Կան նաեւ այլ խնդիրներ, դեմոգրաֆիական, քիչ են երեխաներ ծնվում, ինչպես դա խրախուսել, ինչպիսի լուծումներ գտնել այն լուծելու համար: Ունենք նաեւ մի շարք առաջարկներ Երեւանի ճարտարապետական խնդիրների վերաբերյալ:

- Դուք հիմա գտնվում եք դատական պրոցեսի մեջ "Կյանքի խոսք" կրոնական կազմակերպության հետ ճի՞շտ է:

- Այո բացի նրանցից մեզ դատի են տվել նաեւ "Կանանց ռեսուրսային կերտրոնը", ովքեր այնպիսի անշնորք ներկայացումներ են ցուցադրում, որ նույնիսկ անհարմար եմ զգում բարցրաձայնել եւ նմանատիպ ուժերը միավորվել եւ պայքարի են դուրս եկել մեր կուսակցության դեմ: Իսկ նմանատիպ կառույցների նպատան է փչացնել հասարակությանը, հայ տեսակի պատկերացումների վերացումը եւ այլն: Իսկ մեր կուսակցությունը լինելով ազգային պահպանողական դեմ ենք դուրս եկել նման դրսեւորումներին եւ պահպանել ազգային նկարագիրը:

ԱՐՄԵՆՈՒՀԻ ՀԱԿՈԲՅԱՆ

 

ՀԱԿ-ը ֆաշիստական ուժ է, Տեր-Պետրոսյանը՝ ընտրակեղծիքների կընքահայրը. Հայկ Բաբուխանյան


Հայ ազգային կոնգրեսը ընդդիմադիր դաշինքը ֆաշիստական ուժ է, և ուրիշ ոչինչ, այս մասին, այսօր լրագրողների հետ հանդիպմանն ասաց «Սահմանադրական իրավունք միություն» կուսակցության նախագահ Հայկ Բաբուխանյանը: 
«Ոչ ոք չի մոռացել, որ 2008թ. Լևոն Տեր-Պետրոսյանը հայտարարում էր, որ ով իր դեմ է նա թշնամի է, դա միայն կարող էր հայտարարել ֆաշիստական գաղափարներ ունեցողը»,- ասաց Հայկ Բաբուխանյանը:
Հիշեցնենք, որ ՍԻՄ նախագահ Հայկ Բաբուխանյանը մասնակցելու է ընտրություններին համամասնական ընտրակարգով և ընդգրկված է Հայաստանի հանրապետական կուսակցության համամասնական ցուցակ 19-րդ հորիզոնականը: 
Անդրադառնալով ընտրախախտումների դեմ պայքարելու՝ ՀԱԿ-ի կոչերին, Հայկ Բաբուխանյանն ասաց. «Ոչ մեկս չենք մոռացել որ Հայաստանում ընտրախախտումների կնքահայրն ու հիմքը դնողը եղել է Լևոն Տեր-Պետրոսյանը, իսկ ընտրախախտումների կնքամայրը եղել է ՀԱԿ-ի ցուցակում ընդգրկված Գագիկ Ջհանգիրյանը»,-ասաց Հայկ Բաբուխանյանը:
Հիշեցնենք, որ մայիսի 6-ին Հայաստանում տեղի կունենան խորհրդարանական ընտրություններ, իսկ ընտրությունների պաշտոնական քարոզարշավը կմեկնարկի ապրիլի 8-ից: Ընտրություններին մասնակցելու համար հայտ են ներկայացրել 9-ը կուսակցություն՝ համամասնական ընտրակարգով մասնակցելու համար, ինչպես նաև 100-ից ավելի անհատներ՝ մեծամասնական ընտրակարգով մասնակցելու համար:

 

Tert.am